Поиск авторов по алфавиту

Челобитная неизвестного патриарху Иосифу с просьбою предпринять меры против разных укоренившихся церковных беспорядков

2.

Челобитная неизвестного к патриарху Иосифу с просьбою предпринять меры против разных укоренившихся церковных беспорядков.

 

«Несть наше, еже не касаемых вмещатися, ни, выспрь пребывающим, долними наставлятися; но благодати ради всесвятаго и животворящаго Духа, ко общей спасения нашего ползе, святолепного ти величества отовсюду, пресвятейший Божий архиерею, собирая различны добродетели во свою душу, и теми красуиися; мене же, грубоумнаго твоего богомолца, да не постигнет гнева твоего, за дерзновение мое, ярости. Святые соборные апостольския церкве пастырь, и Христова коробля, носящаго всех христиан спасение, кормчию, святейшему Иосифу патриарху московскому и всеа Росии, да будет от Господа Бога милость его, за молитв пречистые его Матере и великих святителей и чудотворцев, первопрестольник твоим, Петра и Алексея и Ионы, и всякого благих подвига твоего прошение да исполнит. Ты же, великий государь и святейший патриарх Иосиф московский и всеа Росии, выну пред святым твоим лицем имея первопрестольники твоя, великия святители в таковеи и по отшествии их от нас ко Христу славе, помышляя шествия своего поприща по стезям их исправляти, вся бо, государь, тех великих святителей и чудотворцев тебе Богом предана, первее: престол святительства и первенство во святителях, и тоя же святые Божия церкве закона Божия правление, где же онех великих труды и всенощная пения бяху, тамо благоволи тебе Бог стати; идеже тех великих отец бяху нозе неподвижным стоянием претруждены о надежде нетрудного во веки со Христом пребывания, тамо бяше и святого их в житии покоя дом, в нем же твое о Бозе пребывание. Днесь реку же радостне, яко не оставлено ни едино трудолюбнаго их жития место, но имут от Бога власть

 

 

175

и ныне блюсти и назирати, и всегда невидимо с тобою пребывати во своих обителех, в них же пребыша много лета, просяще от Бога мир церквам, и наследия своему престолу, на нем же да утвердит твое владычество в мире и тишине на многа лета Христос Бог. Сего ради, государь, простри руку твою послушанием  разсудным, и приими разумнаго слова трость, и напитай ее святящимся смиренномудрием, да возможеши живовписати на благочестивых сердцах, яко на хартиях, божественного семени слова, слово бо Его живодейственно и, трудом твоего сеяния, возможет плоды в сытость всем человеком принести. Первее, молим тя, святый Божий архиерею, призри на святую, порученную ти Христом церковь его и на вся твоего святительского рукоположению служителя тоя, како именем пастыри, а делом волцы, како наречением и образом учители, а произволением тяжцы мучители, иже малого ради своего покоя и предатели суть душам человеческим, не настоящей и маловременной, но грядущей и вечной муце. Мали бо, государь, обретаются последующе нелестно уставом святых отец, мнози же нерадиви и леностни к славословию Божию: приходят изменяюща лица своя, паче же того владуща нами разума омраченным пьянством, и бесовом желенным дменьем и гордостию, чрез обычей вскочут безобразно во церковь и, начала входа церковного не справльше, начинают утреню и вечерню. И тщатся преспеяти кождо друг друга во псалмех и пениях, да теми обычаи, и многих, суете работающих, прпходити с себе приобрящут, забывше о сем, или многи и неразумеющая, яко всем пришедшим во святую Божию церковь нужда слышати особь всякого псалма, молитвы пения и, коемуждо словеси последуя, просити оставления грехов. Сим образом сподобляемся, — церковного пения истинно послушающе, здесь безбедного жительства и онамо вечные жизни. Аще ли, государь, многогласно и без тихости церковнаго святого славословия Божия служба будет, то токмо может рещи: сподобихся утрени, или часы, или вечерню слышати. Несть бо, государь, человека, иже возможет внимати

 

 

176

от многих купно глаголемым, но точию един Бог всех словеса и мысли зрит и воздает каждому по прошению и делу. Еще же, государь великий святитель, зело страшно в домех Божиих зрится, еже хранилища и недра церковные исполнена Божественного писания книг имуще в себе о праздницех смотрения Божия, еже ради нашего спасения торжественная составлены святыми отцы словеса, и о праздницех пречистые его Богоматери, и предтечи его великого пророка Иоанна и прочих святых пророк, и святых славных и всехвальных его ученик и апостол преестественных (?) их до конца вселенные деянии и подвиг; к сим же: повести о неисповедимых страданиях святых мученик, иже о имени нас ради пострадавшаго Христа сладце и радостно претерпеша; и по сих: великих светил, и вселенные учителей святительского лика жития и достохвальная их на высоте смиренномудрая учения; и преподобных и богоносных отец общего жития и пустынного скитания вседневного их страдания прологи, и, просто рещи, всех святых, от века угодивших Богу мужей и жен на вселенней просиявших, жития исполнены ползы и страха нерадивым душам. И таково Божественное писание имуще, леностно прочитают, и, требующим таковые жизнодательные пища, со оскудением подают, образом имущих неправедного собрания мамону, иже, от глада едва дышущим, подати не хотят от страшного имения Божественных писаний приставницы к нему. Таковые беде посечение (?) по Спасову еловеси, неплодные смоковницы (?) иже рече; плода не имущее древо посечени и вметаемо бывает во огнь,—Еще же воспомяну тебе, государь, и о бездушных гласех: благовесты и звоны по обычаю церковному и по достоянию коегождо дне почину содеваются, первому другое последуя — звон с благовестом несмесно; царского же, государь, пения обычай от многих небрегом и не поряду совершается, якоже предаша нам святии отцы: еже бы первых Божественные сладости вкусивше и других совершению святые службы всем всякого глаголемого и чтомаго и поемаго словеси насыщатися, но точию, государь, именем

 

 

177

утренняго времени зовется утреня, или вечернего времени зовется вечерня, совершаетжеся, государь ото многогласия в церквах Божиих пени образом неистового пьянства: к начальному пению другий поемлет, и третий, и до пяти, и до шести гласов купно бывает. И сице, государь, бываемое, кто наречет святого церковного устава обычаи, но воистину, государь, тем сводим на себе гнев Божий, а не милость. Помысли, государь великий святитель, аще восхощет гостим быти у тебе царь, и седши с ним вечеряти, восхощеши ли вся уготованная брашна, безобразно смесивше, купно представити, но коеждо по чину и ряду: сладкое и сланое, терпкое ж и мастичное, едино вкушаемо бывают, другое представляемо, и третие держимо, и другая паки уготовляема, друг другу последующе, благочинно на трапезу поставляются. Малого же, государь, и незапного ради и пред царем неистовства, всем предстоящим ти, заповеди прещения исполнены полагавши, да не како царь, вместо пировнаго веселия, исполнится ярости; колми же, государь, хощет от нас достойно почитаем быти Царь царем и Господь господем, Бог наш, и каково чисту и со благочинием заповеда нам приносити хваления жертву во церквах своих пречистому и святому своему имени, яко научиша нас, свыше приемше, действием Святого Духа, богоносни отцы. — Еще же, государь великий святитель, священницы церковнии, приходящим в церковь Божию без страха Божия, молчат, величества рода и славу мира ишущих, боятся и трепещут, неведуще, яко всяк страх человеческого прещения в мале часе приходит, ярость же гнева Божия на грешницех не имать конца. Ко инем же, безчинующим в церкви, ласкосердие ж к ним, благопокорения своея ради погибающия чести, безчествуема Бога и святую его церковь, не берегут. И дети своя духовные во вселетное время не вопрошают, како пребывают и бремена заповедей их со усердием ли носяще хранят, но вместо сих, противная видяще, молчат: пред ними же бо ходяща не яиут постояния ногам, безчиношествуют, с нехотением на жены зрят, сквернавая, глаголю тщетная творят, изу-

 

 

 

178

мленным образом наскачут и друг друга угрызают, сурово сражаются и до крови бьются, опиваются и объядаются, укоризны родителям, друг другу приносят, и своя родителя — отца и матерь безчествуют, и страшно рещи пред тобою великим святейшим отцом, да не осквернится святый твой слух,—всякого чрез естество именем скверного блуда себе и друг друга и отшедших жизни сея отец и братию свою и церковного чина досяжут. Еще же, государь, зело умилено и страха исполнено слышание, яко во святых Божиих церквах и во алтарех священницы и диакони мнози от горе (?) таковая дерзают рещи, о них же что испросим от тебе, великого Божия архиерея, на исправление, не вемы, уста бо, государь, священных мужей довлеет выну ни славу Божию и с молитвы о всем мире, а не на клятву на сквернословие, и мнози, носяще благочестие образ, совершают деюще злобу. Еще, же государь великий святитель, хощу воспомянути пред тобою страшного вне мира иноческого жития устав, еже прияша любяще единство. Яко Илия на Кармиле, и яко Предтеча в пустыне и, болше сих, яко Иисус на горе, тако и ныне иноцы мира и яже в нем отрекшеся, и усердно Христов крест носити, и страсти, вседневного озлобления обещавпшся терпети, — но не вем, государь, откуду привниде обычей противесь таковому обещанию: любят сребро и злато и украшение келейное, имеют влагалища исполнена лишних одежд, тщатся притяжати болшая стяжания, и тем желают мирския любве достигнути. Призывают к себе на гостьбу великоименитых властей, и сами к ним в доны ходят, словесы блажат и делы являющеся благими, летят, дарования приносят и большая даяти обещаются, себе просят имети власть во обителех; игуменство, строительство, и келарство, и прочия начальства и, приемше власть ценою гиблющаго имения, к подвластным зверообразни являются, сурови и мстиви томители, и святых обителей грабители, своих далних и ближних взыскуют, питают и обогащают, и всяким образом обильно домы их исполняют монастырскою казною, и сами в домех и гостят и обнощева-

 

 

179

ют, упивающеся и объядающися бесом вожделенным пьянством с женами пирующе, и в монастырех различными пиянствы, и пития имуще, уставом святого иноческого жития изумленным пьянством ругаются, и одежды аггельского образа сквернят и братию возмущают таяжде деяти. И что, государь, такое может очистити согрешения наша, яко иноческое житие! Не точию бо, государь, отложению власть иночество, но всея своея воля,—о сем доволно написано в книге собрания правил святого Никона, в 37-й главе. И откуду, государь, обычай таков властем: не навыкше довольно время менших степеней, на болшая восходят, и како могут быть врачеве душам, неприемше искуса целбы, постригаются множи недуждею (?) привлачими, неимуще дневные одежда и пища и, помале, власти являются, в мере о иночестве произволения добра не имуще, а во иночестве откуду таковыми абие устроение нрава постигнута? Преже бывший святии наставники спасения нашего, — их же и по отшествии Бог показа нам хранителей святым обителем и странам христианским, и тии многоболезненными труды и подвиги учители и пастыри нарекошася. И о сем молим твою святую душу, великий государь святитель, подвигнися о церквах Божиих и о святых и честных монастырех, приими, государь, ревность учения первопрестольник твоих великих святителей: Петра и Алексея и Ионы, тии бо на всяко лето области своея по всем градом трудолюбно сами церкви Божии назирали, како во всей славе стоят, и монастыри, паче же живущих в них наставником и наставляемых, како без смущения и страха пребывают. Исправи, государь, хромое, да не како до конца совратится, но да исцелеет. Не трудно бо, государь, тебе шествовати, путь воздаянием спасенья мзды посыпана. Аминь 1).

1) Рукопись библиотеки московского архива министерства иностранных дел, 482-962. м. 439-445.


Страница сгенерирована за 1.64 секунд !
Map Яндекс цитирования Яндекс.Метрика

Правообладателям
Контактный e-mail: odinblag@gmail.com

© Гребневский храм Одинцовского благочиния Московской епархии Русской Православной Церкви. Копирование материалов сайта возможно только с нашего разрешения.