Стефан Баторий, король Письмо к царю Иоанну Васильевичу 14 ноября 1581 г.

525 л. А се королева грамота к государю з Захаромъ Болтинымъ.

От великого государя Стеѳана Божіею милостію короля полского и великого князя литовского, руского, пруского, жемоитцкого, мазоветцкого, иѳлянского, семиградцкого и иныхъ Ивану Васильевичю Божіею милостію государю всеа Русіи, великому князю володимерскому, московскому, новгородцкому, казанскому, астороханскому, псковскому, тверскому, югорскому, пермскому, вятцкому, болгарскому и иныхъ. Писалъ еси к намъ листъ свой черезъ гончика твоего Захарья Болтина, ознаимуючи, иж присылалъ до тебе навелебнѣйшего и навышщего пастыря Г'ригорья тринатцатого папежа римскою посланникъ велебный Онтоней Посевинусъ и далъ тебѣ знать писаньемъ своимъ тые рѣчи, которые о мирномъ постановенью з нами говорилъ, и ты для покою христьянского пословъ своихъ и посылаешь на съѣздъ промежъ Порхова и Заволочья по лутцкой дорозе на Заполскій Ямъ з нашими послы зьѣхатись, давши имъ зуполную науку о всѣхъ дѣлехъ становити и утвердите, и листъ верусчій с своими послы посылаешь, что будутъ твои послы з нашими послы на съѣздѣ говорите, то суть твои рѣчи. А намъ

38

бы потому пословъ нашихъ на тое ж мѣсцо з верющимъ листомъ послати, чтобъ нашимъ и твоимъ посломъ с посланникомъ навелѣбнѣйшего и навышщего пастыря папежа римского з велебнымъ отцемъ Антоніемъ Посевинусомъ на съѣздѣ о всякихъ дѣлехъ приговорити и наконецъ утвердити, а мы ихъ быхмо ото Пскова оттягнули, и люди войскъ нашихъ от разлитія крове крестьянской задержать казали, чтоб меж насъ с тобою впередъ на отверженье братцкое любви и пріязни приходило, ино мы якъ завжды, такъ и на тотчасъ умыслъ нашъ волею Бога всемогущего ствержаемъ, абы ся мы зо всѣми государи христьянскими, также и с тобою для добра христьянского в доброй пріязни и в спокойномъ пожитью были и кровопролитья христьянского, стерегали есмо, и на то николи есмо без даное причины преступити не хотѣли и не желаемъ, что не по одинъ разъ есмо тебѣ явно открывали и ознаимовали прихилность нашу до згоды для успокоенья христьянского, коли бы толко з стороны твоее щирого справедливостью приступавано, якож и теперь за тымъ посланьемъ твоимъ, тое ж звыклое склонности нашое для успокоенья христьянского ужеваючи, посылаемъ пословъ нашихъ на тое месцо от тебе назначеное до Заполского яму на дорозе той, которая идетъ с Порхова до Заволочья, давши имъ суполную науку о всѣхъ дѣлехъ, какъ имъ с твоими послы на съѣздѣ мирное постановенье дѣлати, вси справы становити, утверженіемъ пристойнымъ злюцнити и к уконечному высконанью привести, какъ будетъ пригоже, и листъ таковы вѣрющій, моцъ даючи посломъ нашимъ вси дѣла межъ насъ наконецъ становити, а листъ кглеитовный, то есть опасную грамоту на твои послы через того ж гончика твоего Захарья Болтина посылаемъ. О Яковѣ еси писалъ, за которымъ имъ доброволно на тое мѣстце пріѣхати и отъѣхати, не выстерегаючися от людей и войскъ нашихъ; а что еси писалъ, абыхмо оттянули ото Пскова и войска наши задержали от розлитія крови крестьянскіе, а што насъ теж и велебный отецъ Антоній Посевинусъ именемъ навышщего пастыря пилне просилъ, абыхмы то на причину навелебнѣшего пастыря папежа римского учинили, и мы, хотечи водле пристойности нашое христьянства остерегати а маючи в кушномъ уваженью причину навышщего пастыря, отказали есмо отцу Пасовину и ознаимили, что намъ мочно в томъ учинити и что теж не можо быти, постерегаю чи, яко бы есмы сами собе и справамъ нашимъ винни не застали; а ведь же все на томъ належитъ, абы послы твои на борзена тое месце з зуполпою моцью и з наукою поспѣшили с таковыми рѣчьми, на которыхъ быхмо слушне перестать могли, кгдыж и мы, ничого в томъ не

39

омешкиваючи, пословъ нашихъ тамъ на тое месце посылаемъ, а того твоего лехкого гончика пустили есмо не задерживаньи. Писанъ в обозе нашомъ под Псковомъ лѣта от Рождества Христова  мѣсяца ноября  дня.