Иван Голицын, кн. Письмо к виленскому воеводе Николаю Радивилу 4 ноября 7090 г.

522 л. А се такову грамоту послалъ от себя из Новагорода князь Иванъ к виленскому воеводѣ сь Яномъ же з Бенитцкимъ.

Божіею милостью великого государя царя и великого князя Ивана Васильевича всеа Русіи владимерского, московского, ноугородцкого, царя казанского, царя астороханского, государя псковского и великого князя смоленского, тверского, югорского, пермского, вятцкого, болгарского и иныхъ от его царского величества от боярина и воеводы ноугородцкого от князя Ивана Юрьевича Булгакова Стеѳана Божіею милостію короля полского и великого князя литовского, руского, пруского, мазоветцкого, жемоитцкого, княже семиградцкого и иныхъ пану Николаю Юрьевичю Радивилу княжати на Дубинкахъ и Биржахъ, воеводѣ виленскому, гетману навышшему великого княжства литовского, старостѣ ошминскому. Писалъ еси ко мнѣ, что до меня послалъ панежа римского посолъ посланца своего шляхтича Яна Бенитцкого, и как тотъ посланецъ назадъ от меня поѣдетъ, и мнѣ государя нашего людемъ велѣти его пропущати, чтоб обида ему никакая не осталась, и яз папежа римского посла посланца Яна Бенитцкого отпустилъ назадъ не задержавъ и государя нашего людемъ всякимъ в войскѣ пропущати и проводите его велѣлъ безо всякіе зацѣпки. Писана в государя нашего царя и великого князя отчинѣ в великомъ Новѣгородѣ лѣта  ноября въ  день.