Антоний Поссевин Письмо к царю Иоанну Васильевичу 22 октября 1586 г.

515 л. А се грамота ко государю от папина посла от Онтонья с человѣкомъ его сь Яномъ Бенитцкимъ.

Напресвѣтлѣйшему великому государю. Тогож часу какъ скоро есми пріѣхалъ к королю Стеѳану, послалъ есми з грамотою своею к величеству твоему служебника своего Андрѣя Полонского, в которой грамотѣ писалъ есми, ознаимуючы величеству твоему, што естли бы еси такъ удѣлати хотѣлъ а самъ зъ собою розгодавши да пословъ своихъ какъ наискоре на мѣсцо какое отсюль неподалече, чтоб ближе нижли Москва была, сюда прислалъ, а таковож за печалованьемъ моимъ на тожъ мѣсцо Стеѳанъ король чтоб своихъ пословъ послалъ, промежъ которыхъ всѣхъ какъ твоихъ, такъ и Стеѳановыхъ Королевыхъ по словъ я самъ, встановленью того миру прямо дѣлаючи, что быхъ былъ. А што есми писалъ к твоему величеству, што какъ скоро мнѣ Стеѳанъ король на твое писмо отвѣтъ дастъ, што ты мнѣ на его грамоты отпись в дорозе прислалъ, и я тотъ отвѣтъ к тобѣ послати мѣлъ; таковож, што есми удумалъ былъ и списокъ тое грамоты, што есми с Ондрѣемъ Полонскимъ послалъ для того наболеи, што естли бы се ему што на дорозе албо от людей ратныхъ от твоихъ, албо от короля от Стеѳановыхъ пригодило, грамоты мои чтоб к тебѣ перейти могли, ино есми никакъ того удѣлати не могъ. А Стеѳанъ король на твою отпись и отвѣту дати не хотѣлъ, сказываючи, што де и тое толко час третъ и проволокаетъ, дѣломъ де самымъ дѣлать надобеть, а не словы много говоречы, что естли де и к слушному застоновленью мирному позволитъ, и я деи миру не бѣгаю, одно штоб крѣпко и стале атаковалъ, а не инакшого жидаю. А как я сее писмо к тобѣ писалъ, того часу до обозу его новые люди ратные пришли, зелья пушечного и куль з города з Риги привезли; а тое вѣдай, што вже за истинно были вдумали в посадъ ко Пскову силу великую пустити, ино я о тое усилне старалсе есми, штоб того не удѣлали, комручечы, што ты тое, какъ через бояръ своихъ думныхъ мнѣ еси приказывалъ, никакою хитростью и не проволокою, але прямою христьянскою широсью тое здѣ-

34

лаешь, про то штоб княжата христьянскіе твою обецеванью николи иначе не розумѣли, одно все гораздо толь служебника моего з отвѣтомъ борздымъ какъ наскоре отсылай, бо здѣся его и до сего часу еще нѣтъ, неклиж бы ему што сею дорогою стало, инобъ томъ и иные береглисе тое жь; теж мне вели кручинно, што здесе на мене домъ ни (!) маютъ, будто я неправдою албо хитростью хожу, што к тобѣ послалъ гонца, да его так скоро нѣтъ, а часъ проволокается, а потомъ штоб собе и того въ нивошто не повернули, ино сего к дѣламъ твоимъ велми надобно, штоб еси с тымъ што к помиренью дѣла доброго належытъ з отвѣтомъ скорымъ присылалъ, как начаюся, што удѣлаешь. А какъ скоро тотъ гонецъ пригонитъ, о тое, чого епископъ навышшій велми хочетъ, и я жедаю и хочю, печаловаться буду, штоб кровь христьянская унятисе могла, што естли такъ инакъ будетъ, а к доброму дѣлу теперь не придетъ, ино штоб людемъ упадку не было, какъ я тобѣ и преже сего писалъ, што сяя ратъ велми далекіе узгоны и пустошенья дѣлаетъ, а штоб зблиза к чому иному не пришло, поневаж тут зимовати хочутъ, а тое вѣдай, что епископа навышшего старанья, а мои працы тобѣ всегда готовы будутъ. Сее грамоты скоро не могъ есми переслать; ведай теж, што к королю свицкому грамоты свои послалъ есми, чтоб се становленье мирное как от мене начало, а толко б штоб славе к помиренью и успокоенью имене величества твоего помочію было, Господь Богъ нехай исполнитъ тобе своею небесною благодатью. Писанъ в обозе короля Стеѳана подо Псковомъ лѣта от Рождества Христова -го (!) мѣсяца октебря  дня.