Грамота п. Досифея государю от 2 июня 1702 года, в которой он сообщает некоторые политические вести, советует не ставить в Москве в патриархи и митрополиты выходцев греков, сербов и русян, не советует государю посылать сына своего в Вену для научения

№ 8

Грамота п. Досифея государю от 2 июня 1702 года, в которой он сообщает некоторые политические вести, советует не ставить в Москве в патриархи и митрополиты выходцев греков, сербов и русян, не советует государю посылать сына своего в Вену для научения.

Досифей милостию Божиею патриарх святаго града Иерусалима и всея Палестины.

Благочестивейший, христианнейший, боговенчанный, благодатнейший, богославимый, боговеликий, тишайший, державнейший, непобедимый великий владыко, и величайший государь и высочайший князь, всея великия, и малыя, и белыя России самодержец, и многих других государств местоначальствия и владении восточных и западных и всея северныя страны отчичный и прадедный наследник и владетель многопочитательный, во Святом Дусе сын и владыко лю-

40

безный и желательный, нашея мерности благодать, мир, милость, спасение, мирное состояние и на враги победу молим от Бога Отца и Господа нашего Иисуса Христа святому и великому вашему царствию, от святаго же и живоприятельнаго и поклонительнаго Гроба помощь, посещение и освящение, мы же молим, благословляем и целуем святым и апостольским целованием боговенчанную и святую его главу.

Две священныя и поклонительныя грамматы вашего державнаго и святаго царствия прияхом в ианнуарий, писанныя в прошедшем сентемврии, и принесе их сербянин поп Григорий, который, взыскуя в пути своем милостину монастыря ради своего, умедли прийти. В ианнуарий прияхом грамматы, в февруарий приидохом сюды в Унгровлахию и ничего писахом к вашей божественнейшей державе двух ради вин, их же первая есть: что пришедше сюда, абие в болезнь впадохом до смерти, и быхом яко без ума и едва Божиею милостию ныне в маий в лучшее мало приидохом. Другая же есть: что ничего нужднаго имехом рещи, по ниже ныне имеем. Ей истинно владение над нами в тихости пребывает, намерение войны не имеет, понеже начальники ея многих ради вин всякое воинское движение ненавидят и гнушаются им. Обаче писавшу начальствующему скифами из Таврискаго острова, в последних числах марта, к Порте, что москвитяне намерение имеют войны против вас, зане толикия и толикия корабли пустили на море Донское, приказали в Константинуполе и в иных местех сделать тринадесять галиунов невеликих, но средних, и изготовить и двадесять седмь, которыя имеют в готовости и иныя суды, чтобы им мощи до грядущего года иметь в готовости сорок галиунов великих и малых, двадесять четыре катерги и пятьдесять тысящ молодцов. Сия писаше султанское новелле, еже и прочтеся в Константинополе, и почалися приуготовлятися; пришедшим обаче священным грамотам вашего божественнаго величества к ним и рекшим, что приезжает посол, оная, яже почаху делатися, делаются, слово обаче скифоначальствующего лживое явися. Наипаче писал он и сие, что казаки запоржские взыскуют соединитися с ним и со подлежащими ему скифами; противописали же ему от Порты, отлучатися и удалятися ему от сицевых вещей и взирати на свое дело, поне зло постраждет, ежели дерзнет мешатися или мешать сицевыя начинания. Сего года посылают некоторыя суды на Черное море, не для того, что имеют намерение войны, но хранения ради по обычаю. Еще неции глаголют, что сим приготовлением толиких кораблей намеряются воевать венетов, вос-

41

приятии Пелопоннес (Морею), обаче истина есть сия, что не имеют намерение кого воевать, токмо слыша о кораблех и уготовлении в Азове, взирая и в Италии на великую войну, бывающую между германами и французами, в великом подозрении суть, и они приготовляются, аще бы где случилось яковое смущение, им бы предъизыти, аще возмогут. Сия суть в настоящее время, и ничего больше инаго обретается, и по сих мыслим уведать что чистее и явнее, и пошлем человека мы к честным стопам вашего тишайшества.

О пришествии же в Италию новаго короля испанскаго, что оное есть с изволения ложнаго епископа римскаго, зело известно, яко же пространши изъявим по сих.

Мы же придохом с Богом до сего места и намеряемся итти и в Богданию, и ко святому Димитрию возвратитися в Адрианополь. Вина пришествия нашего есть: поне лавра святаго Саввы многая зла пострада и бедствует самим разорением, и отцы, управляющие его, ни единую имеют силу, яковое сотворити исправление. Оттуду же мы, благоговение имеющие и ко святости места и множеству святых мощей в ней сущих, царьское прияхом повеление со многим трудом, да возобновят ю отцы, и оставивши нужды святаго Гроба, приидохом даже доселе сыскати нечто и послати на обновление. Обаче бедствует труд наш и является тщетный наших ради немощей и крайняго ради безеилия, еже сия места имеют; сего ради займем в долг помощи отцем в строении, зане в иная времена сицевая велия не бывают строения, и долг Бог у правит, якоже и прежде.

Грядущий посол вашего божественнаго и поклонительнаго величества, аще и не присутствовахом в Адрианополе, обаче получил оный от нас писание, в котором мы ему пишем, кого подобает ему вопрошати тамо в нуждных, и еще: как мощно ему и нечто тайншее у ведать, к кому довлеет давати грамматки, дабы они приходили известно и поспешно к вашей богохранимой и богоутвержденной державе.

И сие убо тако повелевает ваше державное и богопрославленное царствие: послати нам отсюды некоторых иеромонахов добрых и ведущих славенский язык, дабы были они у вас и епископами и евангельскими проповедниками. К тому повелению глаголем первое: в еллинских местах сицевых не быти, в Сербии, в Булгарии и в окрестных местах: сербы многая зла имеют с езуитами, яко и зде в Ерделии, называемый кесарь и Август, дает указы и тож велевает православным Христианом свободным быти, является обаче лживый, прелестный и лицемерный, понеже иная глаголет и иная

42

творит. И сие праведно, зане где Рим и где той ложный царь римский, и зане имеет титло от лживаго епископа римскаго и не от яковыя благословныя вины; отсюду же оный иная пишет и повелевает православных ради, а езуиты иная творят, и вся суть с его позволением. И онии сервы, в Иппеки сущий, от нищеты, от войн, от податей суть яко бы не были, токмо паки в римлянах (греках) обретаются мудрые и яко истинно добродетельнии человеки, и от сих попечемся послати неких учителей, младых возрастом, школы ради и места ради. И онии, егда туды приидут, и у слышится, яко обрели милость вашего величества, приидут по них и инии, и инии, и научатся удобно словенскому диалекту, и употребит их ваша боговенчанная и богоутвержденная держава, где и како укажет. Глаголем второе: яко аще приедут отсюды или сервы, или греки, или инаго народа туды, аще бы и случайно были мудрейшия и святейшия особы, ваше державное и богоутвержденное царствие да никогда сотворит митрополитом или и патриархом грека, серва или и русянина, но москвитянов, и не просто москвитян, но природных москвитян многих и великих ради вин: аще и немудрии суть, понеже патриарх и митрополит, ежели суть добродетельнии и мудрии, велие есть добро, аще ли же и не суть мудрии, довлеет добродетельным быти, и да имеют мудрых клириков и в иных чинах; наипаче же москвитяне суть хранителие и хвалителие своих догмата. Но греком, и сервом, и русяком не подобает имети владение в Московии, зане может быти и добрым им, но вящши может быти противным. Потом москвитяне хранят отеческую веру не новосеченную (непременную), сущий не любопытательнии и не лукавии человеки; но страннии и онии, прехождаху зде и тамо, могут прозвести некия новости в Церкви, тоже да сохранит добре; знает великое ваше царствие, коликия труды пройде приснопамятный и присноблаженный величайший автократор, государь Алексей Михаилович, отец вашего святаго царствиа. Внемли убо святейший и божественнейший владыко: не возвести на великий архиерейский тутошный престол яковаго страннаго, и что великое ваше царствие и из Азова выслал онаго грека, много разумнейши и умнейши сотвори, и да будет тамо митрополит москвитянин природный, безлукавный и нелюбопытательный, и да имеет русяны, греки и сервы учители. Подобает же добродетели патриарха, который будет имети и смирение, да будет патриарх ныне. Царь самодержец! да имеют власть архиереи, иереи и пресвитеры глаголати церковная пред ним, да не будет зверь и да не страшатся его архиереи, сущий братия яко рабы, да не воз-

43

может глаголати в церкви чуждая церкве, да не может мешатиси во гражданских и повелевати синклиту, яко сотвори Никон и смути вселенную, и толикая иждивение и толикия труды сотвори приснопамятный и святый ваш отец, угасши гордость его и сотворить изчезнути злыя его образы. Внемли, всеблагий владыко, не дати власть гордым и тиранский и насильный прав имущим; но о сем напишем по сих пространнее. И о том, что пишет святое ваше царствие, — нуждно имети мудрыя мужи, да сотворить окрестных народов Азова христианами, по сих будем писать виднейши.

Еще доносим и сие, что пришли сюды письма из Вены и пишут, яко похваляются тамо, что пошлет богоспасаемое святое ваше царствие высокорожденнаго и порфиророжденнаго сына своего, тишайшаго царя-государя, государя Алексия Петровича туды обыкновения ради и учения, и что кесарь сотворит крепкое некое единение со святым вашим царствием. Посему глаголем: внемли, божественнейший и величайший владыко, не выслать из Московии тишайшаго владыку сына вашего, да не пойдет в чужия места и научится не обыкновению, но иностранным нравом, не ложный бо рекий апостол: портят благиа нравы злая сообщениа. Приснопамятны отцы и праотцы святаго вашего царствиа и богоутвержденное ваше царствие от некоторых франков (все европейские народы у турков называются франками) не научилися вы обыкновению и ведению, и владели и владеете едва не всею вселенною, крепци сущий, величайший, страшнии и непобедимии. И онии франки, знающий и обыкновеннии, что исправили? Токмо что ядатся и воюют междо собою, и о сем будем пространнее писати по сих. И тако богоутвержденный и божественнейший владыко никакаго соединения никогда не твори со франками, от них же и самый Леопольд, паповенчанный ложный кесарь, коликожды солга великому вашему царствию: егда имеет нужду, притекает к великому вашему царствию, и молит, и просит, и обещает множайшая; последи тебе остави единаго, не бояся Бога и не устыдевея людей, и явися явный враг и явный наветник в Карловиче, егда посол великаго вашего царствиа и венеты противостояху в миру и взысковаху некая взыскания, что глаголаху послы германов и наипаче посол английский с стороны германиа? Довлеет сотворити отоманом мир с немцами, но венеты и москвитяне, есть не есть, едино есть. Великое ваше царствие помогло ему, и он гонит православныя горши Диоклитиана и Максимилиана; великое ваше царствие помощь даде ему чрез толикия годы и толикими образы, и он явися многажды и многими способы враг и наветник. И прости мне, владыко мой,

44

божественнейший и святый, что дерзаю и пишу сицевая к великому вашему царствию, поне не есть от дерзновения, но от чистыя любве и от исполнейшаго духовнаго дерзновения (надеяния). — Господь же Бог да благоволит о богохраненном уме державнаго вашего царствия, да мыслит и действует добрейшая, величайшая и лучшая, и о величайшем и святом владычном и самодержавном вашем престоле, и пользе и спасении всего православнаго рода, и да покажет святое ваше царствие крайне побеждающее враги его, и да сохранит сие здравое, целое и долго-летное, и да покорит под ноги его все варварские народы, и всякаго врага и супостата в наше духовное веселие, и радость, и в честь, славу и хвалу всего православнаго рода, яко ему слава во веки. Аминь.

1702 г., июниа во 2 день - из Болохов.