Грамота п. Досифея Московскому патриарху Адриану, писанная в августе 1700 года и присланная с послом Емельяном Украинцевым, в которой он укоряет Адриана за недостаточное радение о возвращении грекам святых мест и умоляет его подвигнуть государя на энергич

№ 23

Грамота п. Досифея Московскому патриарху Адриану, писанная в августе 1700 года и присланная с послом Емельяном Украинцевым, в которой он укоряет Адриана за недостаточное радение о возвращении грекам святых мест и умоляет его подвигнуть государя на энергичные хлопоты по этому делу перед турецким правительством.

Досифей, милостию Божиею Патриарх святаго града Иерусалима и всеа Палестины.

Блаженнейший, святейший и пречестнейший патриарх царствующия великия Москвы и всея великия, и малыя, и белыя России, и всея северныя страны господине Адриан, о Святом Дусе сладчайший и прежеланный брате и сослужителю нашего умерения, вашу братскую любовь сладце, и прерадостне, и братски лобзаем, и молим Господа Бога, яко да хранит ю неболезненну, благодушну, здраву, долгожизненну и кроме всякия печальныя и лукавыя срящи во многих лет прехождения.

Аще и православнии самодержцы, якоже подвизающеся различно о святых церквах, нарицаются во вселенских соборех иереи и цари, и архиереи, и спасители, и стражи вере, и имеюще попечение всех Церквей; обаче сие болыни приличествует церковным князем, а наипаче святейшим патриархом, иже преемницы суще

86

святых апостолов, разнственно имеют особливое попечение о всех церквах по святым апостолом, яко же учит блаженный Павел. И аще когда-либо требование церковныя вещи лучится царские силы требующее, патриаршего достоинства есть дело, еже напоминати и молити их и поощряти, понеже убо и во святом граде Иерусалиме в различных временах случилося много неудобных от еретиков же и нечестивых, православнии самодержцы и от себе самых, но чрез сотечение, и моление, и подвижение святейших патриархов творят совершеннейшая. И понеже в сущих при нас временех французы стужили православным во святем граде Иерусалиме, благословне притекохом к благочестивейшему и Богом мудротишайшему самодержцу, понеже яко финике един точию православных всех жизнь есть, похвала, честь, помощь, удобрение, надежда и утешение, един точию есть благонамеренный преемник православных самодержцев. Сего ради и единому святому и великому его царствию лепотствует помощь, и призрение, и управление святыя церквей матере. Писахом же и Богом почтенному твоему блаженству единожды и дважды, да свидетельствует и подвигнет божественно величество о сем деле, еже ответствовавши писало нам, что будет пещися лепотствующими во время подобно, и имеем писание святейшества твоего. Ныне же, пришедшим зде самодержчим послом, ниже завещание было крепко о Святом Гробе братские твоея любве прияхом от них, и сего ради опечалихомся и наипаче много плакахом. Сие убо, занеже видим еретиков и пекутся всеми равне и единогласно противо православных, православных же не радеющы и ленивы сущы, воеже пещися и помогати Церквам, а наипаче святей церкве матери. Сие же, яко братская твоя любовь несть уже митрополит московский, да объемлются в единой епархии твоей попечения твоя и труды твои, и сый, и сопричисляемый, и спочитаемый со протчими святейшими патриархи, и имееши свойственно, якоже и протчие святейшие имеют патриархи, сиречь, попечение всех святых Церквей, а наипаче святыя всех церквей матере, в ней же явился Бог плотию, и от оныя, яко от источника приснотекущаго напоил весь мир, и тамо имать быти общий суд ко оправданию избранных, ко осуждению же погибших. И таже, еже не радети, несть лепо, ниже праведно, яко аще о чести и исправлении матере Церквей не радиши божественнейший, камо хощеши показати ревность и свойственная патриаршескому твоему достоинству? Опечалихомся убо, зане отбеже вашея памяти святый Сион, и рыдахом, и плакахом паче сынов израилевых в Вавилоне, наипаче же яко за нерадение Бог огор-

87

чевается и негодует, молитва же творят Бога патриарси и не негодующа и преогорчевающася. Сего ради и днесь ныне молим духовне и всегдашно братскую твою любовь воспросити и уведати от господина посла Емилиана Игнатьевича, крайняго похвалителя и духовнаго чада блаженства вашего, еще же и от нашея ко благочестивейшему всех христиан самодержцу грамоты, что было говорено о св. Гробе со зде державствующими, да притечет святейшество ваше ко щедрым утробам божественнаго величества молити и ходатайствовати от страны нашея и от страны всех православных христиан, да соизволит к нашим доношениям и действует всякими образы ради паки восприятия честных мест поклонных.

Святейший папа древнейшаго Рима Иоанн, пришед в Царьград послом, коленопреклоня и со слезами моляшеся самодержцу Иустину Фрака о во Италии церквей обдержимых от ариан; колико лепотствует ваша любовь, будучи кость от костей наших и плоть от плоти нашея, притеши и сотворити подобающий подвиг ко божественному величеству о освобождении св. Гроба. — Иже по Анастасии во святых патриарх великия Антиохии, святейший Григорий при самодержце Тиверии с коленопреклонением моляшеся синклиту о Церкви антиохиан; колико пристоит блаженству твоему потрудитися, и молити, и сотворити подобающий подвиг ради паки восприятия честных мест поклонных не ко синклиту точию, но наипаче к богомудрому и тишайшему великому владыке. Какую честь имеют православные, еже быти господами папежником во Святых Местах? Егда благочестивейший царь похощет сотворити подобающий подвиг, не возмет ли их абие? Рече и быша и ничто изнемогает державнейшему царствию его с Богом. Егда православнии имеют святые места, святое его царствие есть великий царь между всеми, которыми явлено христианы обретающимися по всей вселенней, и в самом новом мире святое имя его слышится, чудимо есть, и похваляется, и ублажается; но блаженство ваше егда сотвориши подобающий подвиг к блаженной высоте, и тое служение примет конец, о котором молим, будет имети честь во всем мире и память вечна и непрестанна во святых местах. Напротив же, егда будет нерадение, имут смеятися нам вся языки и самые нечестивии, яко нерадящим о лучших и величайших, а наипаче, яко бывшу подобающему ходатайству, бывают удобна. Сего ради паки молим вашу братскую любовь припасти, притещи, умолити, упросити и ходатайствовати к Богом хранимому самодержцу, да происходайствит честь и славу кафолические церкве, и притяжет великое его царство имя, и славу, и

88

честь равноапостольну и в присутствующем веце и будущем, яже вся бывают по изрядному и особствующемуся слову, егда Святая честная Места поклонная взяты будут от еретиков и даны будут православным. Убо и паки молим ваше блаженство, еже потщатися на сие, яко да обрящет конец радение твое, да ко протчим мзды твоя многи да будут на небесех.

Сущих при твоем благочестивейшем блаженстве священнейшыя митрополиты, многолюбезнейшыя архиепископы и епископы, преподобнейшия архимандриты и, просте, яже ту Святую Церковь Христову лобзаем о Господе. Лета же блаженства твоего творит Господь Бог многа же и добра и всякаго искушения вышша. Из Царяграда 1700 году в месяце августе. Досифей, милостию Божиею патриарх святаго града Иерусалима и всея Палестины.