Грамота п. Досифея Московскому патриарху Адриану от 10 августа 1693 года, в которой он благодарит и всячески восхваляет Адриана за его радение о напечатании в Москве посланных туда Досифеем греческих рукописных книг, благодарит за радушный прием посланног

№ 18

Грамота п. Досифея Московскому патриарху Адриану от 10 августа 1693 года, в которой он благодарит и всячески восхваляет Адриана за его радение о напечатании в Москве посланных туда Досифеем греческих рукописных книг, благодарит за радушный прием посланного им в Москву архимандрита Хрисанфа.

Блаженнейший и святейший патриарше царствующего града Москвы и всея Росии и всех северных стран господине, господине Адриане, о Святем Дусе возлюбленный брате и сослужителю нашея

74

мерности, блаженство твое сладце и радостне и братственне целуем, и молим прилежно Господа нашего Иисуса Христа, яко да подаст тебе дух совета, дух разума, дух страха Божия, да имаши смысл и силу, еже право правити слово истины во славу свою и похвалу в день Господень.

От писания к вам пославшагося нашего преподобнаго архимандрита познахом добрая ваша здравия, тако и сущая при вас по подобию, за еже паки ваша братская любовь имать познати якоже о нас пространнее чрез сего в малых. Благодарствуем твое блаженство и зело благоприятном прилежании и тщании, еже благоразумно и смысленно сотворил еси и твориши о оных, яже приказахом и писахом с человеком свойственным нам о доношении царскому величеству и твоему блаженству, да совершатся полезно и благопотребно. Благодарствуем второе, яко благоволил еси почтити патриарший божественный сан, понеже попекся еси о всех Церквах Божиих и подвиг сотворил еси яко добрый пастырь, еже напечататися книгам, Церквам Божиим нужнейшим, яже отцы наша святии списаша ко отвержению утверждение и во всю высоту возносимых на разум Божий, зане чрез тыя книги состоится благочестие, и свидетельствуют древнюю и отеческую и апостольскую мысль православные святыя веры нашея, и отвергается безбожный папежства догмат; сия православнии, яко оружие употребляюще, заключают уста, глаголющих хульная и, наконец рещи, благочестие держится и нечестие отвергается, яже вмале не погибоша, яко иногда погибшая драхма. И вы богопочтеннии полагаете тыя в свет, почитающе Христа и общую матерь и питательницу, святую Христову церковь. Сия ваша честь, сия ваша слава, сие царства высота, врагов низложений, и, наконец, жребий освященный, яко да сподобитися стояния в горнем Иерусалиме сущего апостолов и пророков. Благодарствуем убо и о сем зело благодарствуем, не точию мы, но и вси прочая братия, и аще бы не бы было бедство, написали бы вси безчисленная благо дарствия и похвалы к вам. И паки просим, и молим или, паче рещи, просят и молят вси чрез нас, яко да братственная о Христе ваша любовь заступит со тщанием и со всяким прирадением, еже бы глаголанным по суду боговенчанных самодержцев и вашего блаженства надеждам и обещанным конец полезный прияти, по Бозе бо твое блаженство вемы и имамы виновника сицеваго добра, и обще вся церкви поминают вы вечно. Тако убо молимся. Третие, благодарствуем и за страннолюбив и приснобдение, еже благое ваше произволение явил еси нашему архимандриту, и за иная ваша вспомо-

75

жения, яже живоприемному Гробу Господню происходатайствовал или сотворил еси; но и дондеже при вас будет, молим, да покровении, и защищении, и заступлении твоем будет. Имеем твое блаженство и брата нашего прежеланнаго и патриарха благоутробнаго, еще и брата Гроба Господня, яко да всегда имаши поминовение твое при нем со святейшими патриархи. Просим еще и прощения в том, яко за благословенье ничесого не присылаем к вам, зане зде места не изобильная, из Царя же града никогда оскудеем подтверждати и возобновляти сущую о Христе любовь к твоему блаженству со всяким благословением и знаки духовными, ибо не имамы забыти ваше блаженство во веки, но словесы и делы присно будем благодарствовати твое блаженство за премногую твою любовь, юже возлюбил еси нас и всю восточную церковь, ея же любве весь мир не есть равномерен. О преосвященных святых митрополитех и боголюбезнейших святых архиепископех и епископех и сущих окрест блаженства твоего и наших о Христе братиах, и о благородных и великолепных болярех преестественнаго священнаго синклита, и о преподобных архимандритах и о всех сущих под пастырским твоим жезлом обретающихся православных братиах и чадех о Христе нашея мерности, молимся и благословляем и молим Господа нашего Иисуса Христа, яко да подасти им в настоящем убо веце всякое благое и спасительное пребывание и управление, и сохранит их утверждении на основании апостол и пророк, в будущем же да сподобит горняго Иерусалима. Твое же блаженство и паки целуем, моляся Спасителю нашему Богу, яко да будут лета твоя премнога и преблага, аминь. 1693 года августа в 10 день, из Влахии. Иерусалимский Досифей и о Христе брат твой.