Иоасаф, патр. Воззвание патриарха Иоасафа и всего освященного собора с увещанием ко всем православным беречь себя от новоявленных церковных мятежников я их льстивого учения

№ 9.

ВСЕНАРОДНОЕ ВОЗЗВАНИЕ ПАТРИАРХА ИОАСАФА И ВСЕГО ОСВЯЩЕННОГО СОБОРА С УВЕЩАНИЕМ КО ВСЕМ ПРАВОСЛАВНЫМ БЕРЕЧЬ СЕБЯ ОТ НОВОЯВЛЕННЫХ ЦЕРКОВНЫХ МЯТЕЖНИКОВ И ИХ ЛЬСТИВОГО УЧЕНИЯ.

Глас великаго господина святейшаго Иоасафа, патриарха московскаго и всея России, и всего освященнаго собора во священнона-

XVI

чальником, священником и ко всем православным христианом, увещающий и опасающий от мятежников и их льстиваго учения.

Бысть древле слово Господне ко Иезекеилю пророку: страж, аще видит меч грядущ, и невострубят трубою и непроповесть людом, да ся людие сна бдят, и нашед меч возмет от них душа; таковый убо беззакония ради своего взяся, а крови ея от руки стражевы взыщу. Сие мы настражницы духовной сущия, аки о нас реченное читающе, видяще же яко душеубивательный меч лукавых человек лукавое слово, единство церкве разсецающее, в православном народе ходит, и свирепо души уязвляет, в место вострубления сей глас увещательный, да ся снабдевайте, испущаем: внемлите возлюбленнии, молим вы именем Господа нашего Иисуса Христа, внемлите от лживых учителей, иже приходят к вам во одеждах овчих, внутрь же суть волцы—хищницы, от плодов их познаете их, плоды же их суть сии: лжа, клеветы, хулы, расколы, мятежи и непокорство, лицемерие, суемудрие и тем подобная. Волцы убо суть, иже от пустынь прибегающе, наветуют стадо Христово, и от той неискусных я похищают; мучителие суть, а неучителие, иже святый собор, бывший на Москве, поносят и хулят не знающе окаяннии, яко по правилам святым неточию в патриархии, но и в митрополиах и епископиах дважды в лето собором быти подобает управления ради церкве. Бываху и прежде в царствующем граде Москве собори, но яко о книжном исправлении презираху, того ради за многая лета премногая в книгах внесошася погрешения, якоже является во Псалтыри соиследованием, 150 лета на месте 181, в строке 14, идеже четверолично божество напечатася; и паки во Псалтырях со иследованием неисправных печатных, и в катисисех малых развращенне напечатася о крестном знамении, в Потребницех же, выходу 183 лета, на листе 151, на строке 10 и 15, напечатано во великий четверток и в великую субботу иноком на сыр и на яйца разрешение. А в Потребнице, выходу 147 лета, на листе 405 на обороте в строце 3, напечатано сице: в Троицы славимаго Бога и пречестную его Богоматерь, еже безместно, ибо не всея Троицы есть матерь Богородица, но единаго Бога Сына. В том же,—на листе 302 на обороте, в строце 9, напечатася велми богохулно, якоже и воспомянути ужасно. И иная зело многая подобная сим погрешения в неисправленных книгах напечаташася. Что премудрейшим си разумом усмотрел благочестивый великий государь царь и великий князь

XVII

Алексий Михаилович, всея великия и малыя и белыя России самодержец, ревностию поревнова, да плевелы исторгнутся из чистыя пшеницы. Тем же повеле бывшему патриарху имркъ собрата собор книжнаго ради исправления и иных дел нужд церковных. И бысть собор, иже согласно суди книги исправляти и з греческих переводов и з старых русских писанных харатийных, что руками си подписаша вси архиереи и прочия власти, якоже являет соборное деяние, еже во книзе Скрижали и во Служебинце новоисправленном печатном выходу 1-го. Но завистники спасения нашего и присный враг церкве Христовы диавол возбуди своя угодники, сосуды лети и лукавствия, еже книжное исправление обхуждати и раскол великий о церкви деяти, иже аки во овчихь кожах во одеждах смирения, овин во вретищех, овии во иноческих худейших одеяниях, инии инако, вси же не по обычаю, лукаво одеянии, с притворством благочестия приходяще, яко линии волцы души неискусных от единства церкве хищати начата, учаще новоисправленных книг не приимати, паче же превирати. Сами окаяннии всячески невежды и никоего учения причастницы суще, но токмо по святому апостолу Иуде: облацы безводнии и ветры преносимии, древеса осенная безплодная, дважды умершая искорененная, волны свирепыя моря воспеняющая.

Своя стыдения, звезды прелестныя суще, им же мрак тмы во веки соблюдеся. Вси сицевии неблагочестия ищут, но ови нехотяще великаго государя службы служити, инии холопства избывающе, инии ленящеся работати, инии нехотяще подначально в монастырех жити, скитаются по лесом и вертепом, и оттуду тайно, яко татя, и сыново тмы во ограды и веси входят и простыя лоди прелщают. Обретощаже оебе поборники, некия от священник и диаконов, имиже способвуеми, продерзивее яд свой в теле церкве разпущают, таковых лесцев правила святых отец терпети во градех возбраняют, правило 23 вселенскаго собора повелевает из града изгоняти и в монастырех держати безчинныя люди и тунеятцы. Сицевии прелстителие наипаче умножишася, егда бывший патриарх имркъ оставив престол свой, и разсеяша злобное си учение в людех малоумных, еже книг новоисправленных не приимати. То лукавое их начинание хотя благочестивый самодержец истребити, паки новеле собору быта и новопечатныя книги свидетельствовати. Бысть убо собор и книгам досмотрение, в них же ничтоже противно и развращенно, но вся согласна и православна обретше; вси единогласно книжное исправление утвер-

XVIII

диша и руками своими подписаша. Противники же, обхуждающия то исправление и раскол деющиа многа, от тела церкве яко гнилыя уды отсекоша и анафеме предаша в то святаго собора время, и нашу мерность возведе Божия десница на престол патриарший. И мы убо вся видяще праведна и благочестна быти любезне, купно со братиею нашию, со святейшим кир Паисием александрийским и со святейшим кир Макарием антиохийским патриархами прияхом, лобзахом и рук наших подписанием утвердихом, и книгу Жезл правления, тогда сооруженную, яко православную и по святей церкви поборяющую, в мир пустихом. Но Божиим попущением нитако мятежницы увротяшася, аще бо и доселе жестокосердия и порции не покоряются святей церкви, но борют ю лживыми клеветами, забывше окаяннии, яко и адова врата не одолеют ей. Лают, яко пси, на Жезл, и церкви не церкви, архиереи не архиереи быти именуют; триех перстов во крестнаго знамения во ображении сложение обхуждают, крест четвероконечный хухнают, не видяще безумнии, яко вся таинства и действа церковная с четвероконечнаго креста знамением бывают; над всими сими—о горе, о люте,—пречистыя тайны тела и крове Христовы скверными си устами не чисты быти блядословят, и иныя хулы, едва самым диаволом вымыслимыя, их же помянута писанием недостоит, мерзскими си гортанми отрицают. В толикоже безумие приидоша; яко самим ин неведети, что баснословять. Уже бо антихристи в Москве родитися имуща глаголют, инии же рожденна быта проповедуют, забывше несмысленнии, яко в книгах древних, их же сами они не отмещут, пишется антихристово рождение не на Москве, но во Вавилоне быти. Сия лестми и иными сим подобными премногими баснословии, яко мечи душегубными, простых людей души убивают окаяннии мятежницы: зубы их оружия и стрелы, и язык их меч остр. Сей меч мы видяще, ходящь между вами, се вострубляем от стражницы церковныя, се глас даем вам увещательный: сна бдите от меча сего, изостриша мятежницы яко оружие языки своя, еже состреляти в тайных непорочна, тайно ходят яко татие и разбойницы, тако убивают души неповинных. Блюдитеся убо сих, изгоните из домов ваших и яко тлю.... из одежды истрясите. А святой соборной и апостольстей церкви повинующеся, работайте Господеви со страхом и радуйтеся ему со трепетом, да благословени будете и спасение получите душам вашим. Аще же кто за неопаство си от сего меча лукавых учителей язву страж-

XIX

дет, молим именем Божиим да, всякаго обиновения кроме, приидет к нам и явит совершенно свое уязвление, и мы, по Божией благодати, уподобишеся самарянину, потщимся любовно пластырем истиннаго учения исцелити. Присем всем благопокоривым благословение, благодать и мир от Христа Бога буди. 1)

1) Рукопись московской синодальной библиотеки, № 130, лл. 203 об.—206. То же слово находится в синодальной рукописи X 568, ллг. 75—78, хотя и несколько в иной редакции.