Иоасаф, патр. Грамота к константинопольскому патриарху Мефодию с просьбою, чтобы он оказал всякое содействие возвращающемуся из Москвы александрийскому патриарху Паисию

№ 6.

ГРАМОТА МОСКОВСКОГО ПАТРИАРХА ИОАСАФА К КОНСТАНТИНОПОЛЬСКОМУ ПАТРИАРХУ МЕФОДИЮ С ПРОСЬБОЮ, ЧТОБЫ ОН ОКАЗАЛ ВСЯКОЕ СОДЕЙСТВИЕ ВОЗВРАЩАЮЩЕМУСЯ ИЗ МОСКВЫ АЛЕКСАНДРИЙСКОМУ ПАТРИАРХУ ПАИСИЮ.

Святейшему и всеблаженнейшему великому господину и отцу, кир Мефодию, Божиею милостию архиепископу Константинопольскому новаго Рима и вселенскому патриарсе, Иоасаф, Божиею милостию патриарх московский и всея России, здравия, благоденствия и всяких благ душевных и телесных, и радоватиса выну о Христе Господе истинно желает.

Божественная благодать, изволившая в начале бытия видимаго сего мира четыре стихия создати и от них прочая сложеная телеса сотворите, угодно себе четверичное число быта появствует. Егда неточию всю вселенную о четырех частех: востоце, западе, юзе и севере восхоте утвердите, и рай он пищный, жилище Адама первозданнаго, четырех рек величайших пресладкими и пребогатыми источники возвеселите, но и духовный храм свой, еже есть церковь святую, четырми незыблемыми углы, святыми, глаголю, благовестии утвердите, и на краеугольном камени, иже есть Иисус Христос, основати, его же кроме иного основания никто же может положите: на нем же основании, аще и всяк верный тектонствуя назидает по своему изволению или злато, сребро, в каление честное, или дрова, сено, тростие, еже есть явлено будет в день он всяческих откровения. Обаче четырех изряднейших архитектонов от Христа Бога дарованных, на четырех высочайших святыя восточныя церкве престолех посажденных, вставных святых апостолов наследников и их мест держателей,

X

вас святейших и всеблаженнейших патриархов церковь святая почитает, иже выну предобро и премудро во всей подсолнечней здание храма Христова премудрейшими учения словесы и праведнейшими делесы, яко златом и сребром и камением честнейшим назидаете, за что, от златыя венцы готовящия труждающимся десницы, достойное имате восприяти воздаяние; от земнородных же ваши труды и поты, в созидании храма церкве, кто доволен нетокмо воздати, но исповести? Наша великороссийская церковь, яко дщерь матери, всякое вам долженствует выну благодарствие, воистинну бо родительское в наших нуждам проявляете попечение, якоже в настоящих летех проявити благоизволите. Се бо благословением престола вашего приидоша от далечайших стран, пренебрегши всякое бедство путное, и забывше всякия отрады и здравия си телеснаго, паче же и живот свой волнам пенящися вверивше пучинородному морю, два святейшия патриархи: Паисий александрийский и Макарий антиохийский приидоша, глаголю, с превеликими труды, отческою любовию поощряеми, во великороссийскую страну, в царствующий, преименитый и богоспасаемый град Москву, и ту вся требовавшая пастырскаго досмотрения, предобро и преблаго устроиши, алчныя нищею слова Божия доволне напиташа, жадныя сладкими божественнаго учения источники нескудно напоиша, и еже о бывшем патриарсе московском Никоне премудр и всеразсудно по божественных апостол и отец святых правилом разсудивше, праведный суд со всем освященным собором сотвористе; та и иная, якоже подобаше, пастырски устроивше, мир церкви нашей оставите и вся добре содеявше, потщахуся возвратитися в своя си. Святейший Макарий патриарх антиохийский изволя путь восприяти персидскою страною и чрез Иверию. Святейший же и блаженнейший Паисий патриарх александрийский и судия вселенныя вожделе видети предостойнейшее лицо твоего пастырства, имже сию нашея мерности грамоту твоему всеблаженнейшему святительству досточестно вручающе, молям прилежно твое преблаженство, да благоволи кия труды ползы ради церкве нашея подъемшаго, достойнаго не лишити похваления. И емуже мы равнаго трудом благодарствия воздати недоумехом, тому твоя отческая премудрость наше лишение благоволит исполнити достойно ублажением, и во нуждах руку помощи подаянием; всяже всещедрая десница Божия и мать нескудно воздати архипастырству твоему во временней и вечней жизни. А наша мерность всячески не имать быти безблагодарна о всех,

XI

их же нас сподобиши своих благотворений: их надежно чая, молю всеблагоутробнаго Господа, да тя соблюдет в мире, дела, честна, здравием долгоденствующа, и право правяща слово своея истинны. Твоего же святительскаго усердно желаю благословения, и во святых и праведных молитвах ходатайства к Богу, с ним же выну пребуди по обоему внутреннему и внешнему человеку.

Пасася в царствующем, преименитом и богоспасаемом граде Москве, в лето 7177. 1)

1) Рукопись московской синодальной библиотеки, № 130, л.л. 37 и 38. Та же грамота в рукописном сборнике Флорищевой пустыни, № 108—676.