Алексей Михайлович, царь Грамота к константинопольскому патриарху Мефодию с просьбою, чтобы он содействовал возвращению патриарших кафедр, бывшим в Москве патриархам александрийскому Паисию и антиохийскому Макарию.

№ 3.

ГРАМОТА ГОСУДАРЯ АЛЕКСЕЯ МИХАЙЛОВИЧА К КОНСТАНТИНОПОЛЬСКОМУ ПАТРИАРХУ МЕФОДИЮ С ПРОСЬБОЮ, ЧТОБЫ ОН СОДЕЙСТВОВАЛ ВОЗВРАЩЕНИЮ ПАТРИАРШИХ КАФЕДР, БЫВШИМ В МОСКВЕ ПАТРИАРХАМ АЛЕКСАНДРИЙСКОМУ ПАИСИЮ И АНТИОХИЙСКОМУ МАКАРИЮ.

Председателю святыя восточныя церкве, священных апостольских престол наместнику, преблаженнейшему и благочестивейшему архиепископу Константинополя новаго Рима, пастыреначальнику престола первозваннаго, первопастырем начальником Христом благословеннаго, и вселенскому патриарху кир Мефодию, нелицемерныя любве глубокаго мира и твердаго достояния во благочестии церкве Христовы восточныя, здравия же и благоденствия вкупе и душевнаго спасения от Господа Бога и Спаса нашего Главы нашея единыя святыя соборныя и апостольския церкве краеугольнаго нерукосечнаго камени Иисуса Христа, всех окормителя, совокупившаго разстоящаяся естества воедино, со всем сущим вашея святыни под паствою стадом, священнаго же и мирскаго православнаго сословия, усердно сподобитяся, приветствуем.

Божественный он и царский, Божия слова Иисуса Христа Господа нашего, нас ради вочеловечшагося, глас к верховному во апостолех Петру сице провещати благоизволил есть: и ты возвращеся утверди братию твою: силу животодательнаго сего гласа изрядно весть твое преблаженство, отче пречестнейший, брат бо от брата помогает, яко град тверд бывает. И понеже пресвятости твоея брать, пречестный пресвятейший и блаженнейший папа и патриарх великаго града Александрии и судия вселенский кир Паисий, по нашему прошению и вашего преблаженства по соизволению, с престола своего толь долгое и многоболезненное нашея державы в начальнейший град сотвори путешествие, не

V

радо некоих временных вещей и суетных, ниже собрания рада тленнаго имения, но умирения ради некоих церковных вин, таковаго ангелоподобнаго мужа требовавших, исправления. И по толицех святых своих и великих подвизех, архиерарх он всесвятейший, его же, яко ангела Божия словес насладихомся, его же яко живое добродетелей зерцало зрети сподобихомся, ныне правильне на свой архиераршеский святыя Александрийския церкве престол возвратится намеряет, и в хотящем его быти путешествии и престола его архиераршескаго восприятии боголюбезныя твоего преблаженства помощи и братскаго утешения требует, еже обое, чрез вашея пресвятости благое разсуждение, оному пречестному архиерею исполнено быти, желания ради вышния помощи, надеемся. Слух бо дойде нашего царского величества во ушеса, отче пречестнейший, яко на архипастырский онаго вышеупомянутого архиерея, блаженнейшаго кир Паисия, степень взыде самовластно некий архиерей, забыв страх архиерея превышняго и суд страшный, по делом комуждо воздающий. Еже онаго архиерея на таковый престол возшествие, аще по святым правилам сотворено есть, весть добре пречестное твое архипастырство, иже святых правил уряждение, христианское исполнение окормляти вседержительною рукою поставленный, желаем убо, отче всеблаженнейший, да по священных правил определениям вышеимянованному архиерею кир Паисию престола его восприятие руководствуешь и в прочих его святых требованиях, яко лепо нам христианомь, помоществуеши, ведый онаго мужа священнолепнаго и многотруднаго между великих государств не враждотворца, но миротворца быти. Тщашася присно о спасения душ человеческих, елико бе во онаго брата твоего святаго архиерея утешение святых твоих потов совнесеши, толико велиих мезд у онаго, иже нашего ради спасения восприятою нас ради плотию в вертограде пот свой пречистый взлияти благоволил есть, насладишися. Ему же свету истинну, Иисусу Христу Богу нашему и Спасителю, просим святыя твоея архиерейския молитвы да приносиши о нас, и о нашей царице, и чадех, и о всем христианском множестве, да тихое и безмолвное житие поживаем пред Спасателем нашим Богом, иже всем человеком хощет спастися и в разум истинный приити. Радуемся же велиею радостию слышаще ваше преблаженство, первопрестольнаго архипастыря во святых архиерейских подвизех пребывающа, многих ко спасенному пути наставляющи, многия слезы о спасении душ человеческих проливающа, многия

VI

поты, целости рада церковныя, подъемлюща, и сими всеми превышняго нашего подвигоположника увеселяюща, его же ради святыя любве и помощи усугубляем предложение, якоже лено прелестному преблаженству вашему: помоществуй святейшему оному кир Паисию, мужу многих похвал достойному, но и блаженнейшему оному и всесвятейшему кир Макарию, Божия града Антиохии и всего востока патриарху, иже по святых своих трудех из нашея державы в 6 день Июня настоящаго лета к восприятию высокостепеннаго престола помощию Божиею пути вдадеся, идеже мощно и лено преблаженства твоего вспоможение да сотвориши. Желаем: увесели, ваше преблаженство, нас с царицею нашею и лады и с нашим, во святем Дусе, отцем, преблаженнейшим и пресвятейшим братом вашим кир Паисием, папою и патриархом Александрийским, и с нашим во святом Дусе отцем, святейшим братом вашим, Иоасафом, патриархом московским и всея Русии, призрением триипостаснаго нашего света и пресвятая Богородицы покровом и всех святых и вашими архиераршескими частотными молитвами, в царствующем граде Москве во благоздравии пребывати и в будущая в той же вышеявленной непогрешимой надежде, все упование пологати. Дан государствия нашего во дворе в царствующем великом и преименитом граде Москве, лета от создания мира 7176, а от воплощения слова Божия 1668 месяца августа 11 дня.