Поиск авторов по алфавиту

Иаков монах «Память и похвала Владимиру»

Голубинский Е. История Русской Церкви. Том 1. Часть 1

 

Этот чрезвычайно важный исторический памятник открыт и напечатан преосвящ. Макарием одновременно с сейчас приведенным житием Владимира (после Христ. Чтения также перепечатан им в Истории, в приложениях к I т., 2 изд. стр. 255 sqq).

Память и похвала читается в списках в двух видах — в полном, с заглавием, которое сейчас ниже, и в сокращенном, именно — только его вторая меньшая половина (что указано ниже) под заглавием: «Житие благоверного Владимера, нареченного во святом крещении Василиа, крестившаго Русьскую землю».

Списков Памяти в полном виде у преосв. Макария были два вышеуказанные: Сахаровский и Болотовский. У нас под руками третий список — в вышеупомянутой рукописи Моск. Дух. Академии № 198, л. 188. Из списков в сокращенном виде преосв. Макарию известен один —  Румянцевский  № 434, л. 486, стр. 677; у нас еще другой список — библиотеки Троицкой Лавры № 792, л. 88.

Перепечатываем преосв. Макария с указанием некоторых вариантов по Академ. сп. № 198 и с некоторыми по нему поправками, что замечаем.

„Мѣсяца Июля въ 15 день. Память и похвала князю рускому Володимеру, како крестися Володимеръ и дѣти своя крести и всю землю Рускую отъ коньца и до коньца, и како крестися баба Володимерова Олга преже Володимера. Списано Иіаковомъ мнихомъ. Господи благослови отче.

Паулъ святый Апостолъ, церковный учитель и свѣтило всего міра, посылая к Тимоѳію писаніе, глаголаше: чадо, Тимоѳію, еже слыша отъ мене многы послухы, тоже предажъ и вѣрнымъ человѣкомъ, иже довольнѣ будуть и имы научити 1). И блаженный Апостолъ Лука Евангелистъ къ Ѳеофилу писаше глаголя 2): понеже мнози начаша повѣсти дѣяти о извѣстныхъ вещехъ, бывшихъ въ насъ, изволися и мнѣ, ходившю исперва и по всѣхь, писати тебѣ, державный Ѳеофиле, да разумѣеши о нихже начатъ Іисусъ творити же и учити 3). Къ тому Ѳеофилу написа Дѣянія Апостольска и Евангеліе святый Апостолъ Лука. Потомъ многихъ святыхъ писати

1) 2 Тим. 2, 1. 2.

2) Несколько поправляем преосв. Макария по Акад. сп.

3) Лук. 1, 1—4.

238

 

 

начаша житіа и мученія. Такоже и азъ, худый мнихъ Иіаковъ, слышавъ отъ многихъ о благовѣрнемъ князѣ Володимери вся Рускыя земля, о сыну Святославлѣ, и мало събравъ оть многыхъ я 1) добродѣтели его написахъ, и о сыну его, реку же святую и славную мученика Бориса и Глѣба, — како просвѣти благодать Божіа сердце князю Володимеру, сыну Святославлю и внуку Игореву, и възлюбивый 2) человѣколюбивый Богъ, хотяй спасти всякаго человѣка и в разумъ истиный пріити, и вжада святого крещеніа. Якоже жадаетъ елень на источникы водныя 3), тако вжада благовѣрный князь Володимеръ святаго крещеніи, и Богъ сътвори хотѣніе его. Пишетъ бо: вълю боящихся его сътворитъ, и молитву ихъ услышить, и спасетъ я4); и самъ рече Господь: просите и пріимите, ищите и обрящете, толцѣте и отверзется вамъ; всякъ просяй приметъ, ищай обрящеть, толкущему отверзется5),· и пакы рече: иже вѣру имѣть, крестится и спасенъ будеть, а иже вѣры не иматъ, не крестится, уже осужденъ будеть6).

Взыска спасеніа, и прія отъ бабѣ 7) своей Олзѣ, како шедше ко Царюгороду и прияла бяше святое крещеніе, и пожи добрѣ предъ Богомъ, всѣми добрыми дѣлы украсившися, и почи с миромъ о Христѣ Іисусѣ и въ вѣрѣ блазѣ,—то слышавъ князь Владимеръ отъ бабѣ 7) своей Олзѣ, нареченнѣй въ святомъ крещеньи Елена, тоя и житіе подража,— святыя царица Елены, блаженныя княгыни Олги; то слышавъ Владимеръ, разгарашеся Святымъ Духомъ сердде его, хотя святого крещеніа. Видя же Богъ хотѣніе сердца его, провидя доброту его и призрѣ съ небесс милостію своею и щедротами и въ Троици славимый Богъ, Отецъ и Сынъ и Святый Духъ, на князя Володимера,—испытал сердца и утробы, Богь праведенъ, вся прежде вѣдый, и просвѣти сердце князю Рускыа земля Володимеру пріати святое крещеніе.

Крестижеся самъ Володимеръ, и чада своя и весь домъ свой святымъ крещеніемъ просвѣти, и свободи всяку душю, мужескъ полъ и женескъ, святого ради крещеніа. И възрадовася и възвеселися о Бозѣ давидьскы 9) князь Володимеръ, и акы святый пророкъ дивный Аввакумъ о Господѣ веселяся и радуяся о Бозѣ Спасѣ своемъ 10). О блаженое время и день добрый, исполненъ всего блага, въ онже крестися Володимеръ князь! И нареченъ бысть во святомъ крещеніи Василей и даръ Божій

1) В Академ., как и в Болот.: отъ многія добродѣтели.

2) В Болот.: возлюби й, в Академ... возлюбивый й.

3) Пс. 41, 2.

4) Пс. 144, 19;

5) Матф. 6, 7, 8, Лук. 11, 9. 10.

6) Марк. 16, 16.

7) В Акад. отъбаба, но должно быть обабѣ, как это и читается в Болот..

8) Акад. о бабѣ.

9) Несколько поправляем по Акад. сп.

10) Тоже.

239

 

 

осѣни его, благодать Святаго Духа освѣти сердце его и навыче по заповѣди Божіи ходити и жити добрѣ о Бозѣ 1), и вѣру тверду удержа неподвижиму. Крести же всю землю Рускую отъ коньца и до коньца, и поганьскыя богы, пачежъ и бѣсы, Перуна и Хорса и ины многы попра, и съкруши идолы и отверже всю безбожную лесть. И церковь созда каменну во имя пресвятыя Богородица, прибѣжище и спасеніе душамъ вѣрнымъ, и десятину ей вда, тѣмъ попы набдѣти и сироты и вдовида и нищая. И потомъ всю землю Рускую и грады вся украси святыми церквами, и отвержеся всея дьяволя льсти, и пріиде отъ тмы дьяволя на свѣтъ съ чады своими, пріиде къ Богу крещеніе пріимъ и всю землю Рускую исторже изъ устъ дьяволь и къ Богу приведе и къ свѣту истинному. Рече бо Господь пророкомъ 2): изводяй отъ нечестия нечестиваго, акы уста мои еси 3): и бысть князь Володимеръ, акы уста Божіа, и человѣкы отъ льсти дьяволя къ Богу приведе. О колика радость и веселіе бысть на земли! И ангели възвеселишася, и архангели, и святыхъ дуси взыграшася. Самъ рече Господь, колика радость бываетъ на небесѣхъ о единѣмь грѣшницѣ кающемся4). Толико безъ числа душь по всей земли Руской приведены къ Богу святымъ крещеніемъ! ІІохвалы всякыя дѣло достойно сътвори и радости духовныя полно.

О блаженный и треблаженный княже Володимере, благовѣрне и христолюбиве и страннолюбче! Мьзда твоя многа зѣло предъ Богомъ. Тоже блаженный Давыдъ глаголаше: блаженъ человѣкъ, еюже ты накажеши, Господи, отъ закона твоею научиши и да укротиши отъ дній людъ 5). Блаженный князь Володимеръ уклонився оть службы дьяволя и пріиде къ Христу Богу, Владыцѣ своему, и люди вся приведе и научи я служити Богу. Самъ бо Господь рече: иже сотворитъ и научить, сей великь наречется въ царствѣ небеснемъ6). А ты, о блаженный княже Володимерю, бысть Апостолъ въ князѣхъ, всю землю Рускую приведъ къ Богу святымъ крещеніемъ, и научи люди своя кланятися Богу, славити и пѣти Отца и Сына и Святаго Духа. И вси людіе Рускыя земля познаша Бога тобою, божественный княже Володимере! Възрадоважежеся Ангельстіи чини, агници чистіи 7), нынѣ радуються вѣрніи и воспѣша и въсхвалиша. Акы мла-денци иеврейстіи съ вѣтвьми усрѣтоша Христа, вопіюще: осана Христу Богу, побѣдителю смерти: тако и новоизбранніи людіе Рускыя земля въсхвалиша Владыку Христа съ Отцемъ и Святымъ Духомъ, и къ Богу

1) Тоже.

2) Акад.: и пророкомъ.

3) Иер. 15, 19.

4) Лук. 15, 7. 10.

5) Пс. 93, 12. Болот. и Акад.: лютъ.

6) Матф. 5, 19.

7) Акад.: и агнѣцѣ чистѣѣ.

240

 

 

приближившеся святымъ крещеніемъ, и дьявола отвергъшеся и службы его поругашася и поплеваша бѣсы и познаша Бога истиннаго, Творца и Съдѣтеля всей твари, и поють по вся дни живота и на всякъ часъ пѣснь чюдную, хвалу Архангельскую: слава въ вышнихъ Богу и на земли миръ, въ человѣцехъ благоволеніе 1). И ты, блаженный княже Володимерю, подобно Костянтину великому съгвори. Якоже онъ, вѣрою великою и любовію Божіею подвигся, утверди всю вселенную любовію и вѣрою, и святымъ крещеніемъ просвѣти весь миръ и законъ Божій по всей вселеннѣй заповѣда и раздруши храмы идольскыя со лжеименными боги, святыя же церкви по всей вселеннѣй постави на хвалу Богу, въ Троици славимому, Отцю и Сыну и Святому Духу, и крестъ обрете, всего мира спасеніе, съ божественною и богомудрою матерью своею святою Оленою, и чяды многы 2) приведе къ Богу святымъ крещеніемъ бесщисленное множество, и требища бѣсовская потреби и храмы идольскыя раздруши, и церквами украси всю вселенную и грады 3), и заповѣда въ церквахъ памяти святыхъ творити пѣніи и молитвами и праздникы праздновати на славу и на хвалу Богу. Такоже и блаженный князь Володимеръ сътвори съ бабою своею Олгою 4).

Та бо блаженная княгыни руская Олга, по смерти мужа своего Игоря, князя рускаго, освящена бывши Божіею благодатію и въ сердци пріимши Божію благодать. О како похвалю блаженную княгыню Олгу, братіе! — Не вѣдѣ. Тѣломъ жена сущи, мужеску мудрость имѣющи, просвѣщена Духомъ Святымъ, разумѣвши Бога истиннаго, Творца небу и земли, въставьши иде в землю грѣческую, въ Дарьградъ, идѣже цари крестьяны и крестьянство утвердися, и пришедше проси крещеніа, и пріимши святое крещеніе възвратися въ землю рускую, въ домъ свой, къ людемъ своимъ, съ радостию великою, освящена духомъ и тѣломъ, несущи знаменіе честнаго креста. И потомъ требища бѣсовьская съкруши и начя жити о Христѣ Іисусѣ, възлюбивши Бога всѣмъ сердцемъ и всею душею, и поиде въ слѣдъ Господа Бога, всими добрыми дѣлы освѣтившися и милостынею украшьшися, нагыя одѣвающи, жадныя напаяющи и странныя упокоющи 5), нищая и вдовица и сироты—вся милующи и потребу дающи всяку съ тихостію и любовію сердца, и моляіци Бога день и нощь о спасеніи своемъ. И тако поживши и добрѣ славящи Бога въ Троици, Отца и Сына и Святаго Духа, почи въ блазѣ вѣрѣ, скончя житіе свое съ миромъ о Христѣ Іисусѣ, Господѣ нашемъ. И Богъ прослави тѣло своея си Олены, ей же имя въ святомъ крещеніи наречено, блаженыя княгыни Олги, и есть въ

1) Лук. 2, 14.

2) Следуем чтению Болот. сп.

3) Так Болот. и Акад.

4) Перед следующим отделом в Сахар. и в Акад. надписанные киноварью: „Похвала княгинѣ Олгѣ, како крестися и добрѣ поживе по заповѣди Господи»“.

5) Акад.: покоявающи.

241

 

 

гробѣ тѣло ея честное, и неразрушимо пребываетъ и до сихъ дней. Богь бо своя рабы славить; рече бо пророкъ: славящая мя прославлю и укоряяй бесщести будеть 1). Блаженная бо княгыни Олга прослави Бога всѣми дѣлы своими добрыми, и Богъ прослави ю. Ино 2) чюдо слышите о ней: въ гробѣ, идѣже лежитъ блаженное и честное тѣло блаженныя княгынѣ Олгы, — гробъ камень малъ въ церкви святыя Богородица, ту церковь създа блажены князь Володимеръ каменую в честь святѣй Богородици, и есть гробъ блаженыя Олги,—и на верху гроба оконце сътворено, и туда видѣти тѣло блаженыя Олгы лежащи цѣло, да иже съ вѣрою придеть, отворится оконце, и видѣть честное тѣло лежаще цѣло, и дивися чюду таковому, толико лѣтъ въ гробѣ лежащу тѣлу не разрушимуся. И человѣци же вѣрніи, видѣвше чудо толико, славять Бога, дивящеся милости Божіей, юже имать на святыхъ своихъ. О дивное и страшное чюдо, братіе, и преславно! Достойно похвалы всякоя тѣло то честное: въ гробѣ цѣло, якы спя, почиваетъ! По истинѣ, дивенъ Богь во святыхъ своихъ, Богъ Израилевъ 3). То видяще 4) вѣрніи человѣце прославять Бога, прославляющаго рабы своя. А другымъ, иже не съ вѣрою приходять, не отворится оконце гробное, и не видять тѣла того честнаго, но токмо гробъ. Тако Богь прослави рабу свою Олгу, рускую княгыню, нареченую въ святомъ крещеніи Елена5)! По святомъ же крещеніи си блаженная княгыни Олга живе лѣтъ 15, и угодивъ Богу добрыми дѣлы своими и успѣ мѣсяда Июля въ 11 день въ лѣто 6477-е, душю свою честную предавши в руцѣ Владыцѣ Христу Богу.

Послушайте возлюбленніи 6)! Блаженный же князь Володимеръ 7), внукъ Олжинъ, крестився самъ, и чада своя и всю землю Рускую крести отъ конца и до конца, храмы идольскыя и требица всюду раскопа и посѣче и идолы съкруши, и всю землю Рускую и грады (пропускъ?) и честными иконами церкви украси 8) и памяти святыхъ въ церквахъ творяще пѣніемъ и молитвами; и праздноваше свѣтло праздникы Господьскыя, три трапезы по-

1) 1 Царств. 2, 30.

2) Акад.: И ино.

3) Пс. 67, 37.

4) Поправляем по Акад. сп..

5) Полагаем, что со слов: „Ино чюдо слышите“, есть позднейшая вставка, хотя сделанная еще в период домонгольский.

6) Со слов: „Блаженный же князь Володимеръ“ начинается память и похвала в списках Румявц. и Троицк.. Думаем, что „послушайте возлюбленніи“ приписано в то время, как Память начала быть читаема в церквах в день празднования кончины Владимира. Можно думать, что она только отсюда была читаема и что поэтому именно в некоторых списках она и писана не вся, а только с того, чтó отсюда.

7) Поправляем чтение по Акад. сп.

8) Так и в Акад. сп.

242

 

 

ставляше: первую митрополиту съ епископы и съ черноризьцѣ и съ попы, вторую нищимъ и убогымъ, третьюю собѣ и бояромъ своимъ и всѣмъ мужемъ своимъ. Подобяся царемъ святымъ блаженый князь Володимеръ Пророку Давиду, дарю Езекѣю и преблаженному Иосѣю и великому Ко-стянтину, иже избраша и изволиша Божій законъ боле всего и послужиша Богу всѣмъ сердцемъ и получиша милость Божію и наслѣдиша рай и пріаша царство небесное и почиша съ всѣми святыми, угожьшими Богу: такоже и 1) блаженый князь Володимеръ, послуживъ Богу всѣмъ сердцемъ и всею душею. Не дивимся, възлюбленѣи, аще чюдесъ не творить по смерти: мнозѣ бо святѣи праведнѣи не сътвориша чюдесъ, но святи суть. Рече бо нѣгдѣ о томъ святый Іоаннъ Златоустъ 2): отъ чего познаемъ и разумѣемъ свята человѣка, отъ чюдесъ ли или отъ дѣлъ? И рече: оть дѣлъ познати, а не отъ чюдесъ. Много бо и волъсви чюдесъ сътвориша бѣсовьскымъ мечтаніемъ; и бяху святѣи Апостолѣ и бяху лжіи Апостолѣ 3), бѣша святѣи прорбдЬ и бяху лжіи 4) пророцѣ, слугы дьяволя; ино чюдо, и самъ сотона преображается въ ангелъ свѣтелъ. Но отъ дѣлъ разумѣти святаго, якоже Апостолъ рече: плодъ духовный есть любы, терпѣніе, благовѣріе, благость, кротостъ и въздержаніе, на таковыхъ нѣсть закона 5). Блаженый же князь Володимеръ всѣмъ сердцемъ и всею душею Бога възлюби и заповѣди Его взыска и съхрани. И 6) вся страны бояхуся его и дары приношаху ему. И възвеселися и възрадовася о Бозѣ и о святѣмъ крещеньи, и хваляше и славяше Бога о всемъ томъ князь Володимеръ, и сице въ радости смиреніемъ сердца глаголаше: „Господи, Владыко благый! Помянулъ мя еси и привелъ мя еси на свѣтъ, и познахъ я (Тя?), всея твари Творца. Слава Ти Боже всѣхъ, Отче Господа Бога нашего Іисуса Христа! Слава Ти 7) съ Сыномъ и Святымъ Духомъ! Сице мя помиловавъ! Во тмѣ бяхъ, дьяволу служай и бѣсомъ, но Ты мя святымъ крещеніемъ просвѣти. Акы звѣрь бяхъ, много зла творяхъ въ поганьствѣ, и живяхъ якы скотина, но Ты мя укроти и наказа своего благодатью. Слава Ти, Боже, въ Троице славимый, Отце и Сыне и Святый Душе, Троице Святая! Помилуй мя, настави мя на путь твой и научи мя творити волю твою, яко Ты еси Богь мой“. Князь же Володимеръ поревьнова святыхъ мужь дѣлу и житію ихъ, и възлюби Авраамово житіе, и подража страннолюбіе

1) и из Акад. сп..

2) Акад.: Иванъ Златоустый.

3) Акад.: и бяху святѣи апостоли и бяху блаженіи апостоли, чтó можетъ быть ошибка изъ блазніи.

4) Акад.: лживіи.

5) Гал. 5, 26.

6) и в Акад. нет.

7) В Акад.: славити.

8) В Акад. опять: славити.

243

 

 

eгo, Ияковлю истину, Моисѣеву кротость, Давидово безлобіе, Костянтина царя великаго, перваго царя крестьянскаго, того подражая правовѣріе. Боле же всего бяше милостыню творя князь Володимеръ: иже немощнѣи и старѣи не можаху доити княжа двора и потребу взяти, то въ дворъ имъ посылаше: немощнымъ и старымъ всяку потребу блаженый князь Володимеръ даяше. И не могу сказати многыя его милостыня: не токмо въ дому своемъ милостыню творяше, но и по всему граду, не въ Кіевѣ единомъ, но и по всей земли руской и въ градѣхъ и въ селѣхъ. вездѣ милостыню творяше, нагыя одѣвая, алчьныя кормя и жадныя напаяя. странныя покояя милостію, церковникы чтя и любя и милуя, подавая имъ требованіе; нищія и сироты и вдовица и слѣпыя и хромыя и трудоватыя и вся милуя и одѣвая и накорьмя и напаяя. Такоже пребывающу князю Володимерю въ добрыхъ дѣлехъ, благодать Божіа просвѣщаше сердце его, и рука Господня помогаше ему, и побѣжаше вся врага своя, и бояхутся его всѣ. Идѣже идяше, одолѣваше: Радимицѣ побѣди и дань на нихъ положи, Вятичи побѣди и дань на нихъположи на обоихъ, и Ятъвягы взя, и Сребреныя Болгары 1) побѣди, и на Казары шедъ побѣди я и дань на нихъ положи. Умысли же и на грѣчьскый градъ Корсунь, и сице моляшеся князь Володимиръ Богу: „Господи Боже, Владыко всѣхъ! Сего у Тебе прошю, даси ми градъ, да пріиму и да приведу люди крестьяны и попы на свою землю, и да научать люди закону крестьяньскому“. И послуша Богь молитвы его, и прия градъ Корсунь. И взя съсуды церковные и иконы и мощи святаго священномученика Климента и иныхъ святыхъ. Въ ты дни 2) бѣяста царя два въ Цариградѣ: Костянтинъ и Василей. И посла к нимъ Володимеръ, прося у нихъ сестры оженитися, да ся бы болма на крестьяньскый законъ направилъ. И даста ему сестру свою, и дары многы присласта к нему, и мощи 3) святыхъ даста ему; положи й. Тако добрѣ 4) поживе благовѣрный князь Володимеръ, и скончя житіе свое въ правовѣрнѣй вѣрѣ о Христѣ Іисусѣ Господѣ нашемъ, и съ благовѣрною Олгою: и та бо шедши Царюграду прияла бяше святое крещеніе, и много сотворивъ добра въ житіи семъ предъ Богомъ, и сконча житіе свое въ добрѣй вѣри, и почи съ миромъ, в руцѣ Божіи душю предавши. И еще живу сущю Володимеру князю, рать бяше отъ ІІеченѣгъ. Володимеръ же бяше болѣстію одержимъ; въ той же болѣзни предасть душю свою в руцѣ Божіи 5).

1) Так. в Сахар., Болот., Румянц. и Троицк., но в Акад.: Сербяны и Болгары. У Татищева (II, 63 fin.) и у Стрыйковского (подъ 985-м годом) также, кажется, были описки, в которых читалось как в Академ.

2) В Акад.: И в ты дни.

3) Поправляемъ по Акад.

4) Въ Акад.: даста ему, и тако положь добрѣ поживе....

5) Перед дальнѣйшим в Сахар. и Акад. надписано киноварью: „Молитва князя Володимера“.

244

 

 

Володимеръ князь, отходя свѣта сего, сице моляшеся глаголя: „Господи Боже мой! Не позналъ Тебе Бога 1), но помиловалъ мя еси и святымъ крещеніемъ просвѣтилъ мя еси: и познахъ Тя, Боже всѣхъ, святый Творче всея твари, Отче Господа нашего Іисуса Христа! Слава Ти съ Сыномъ и Святымъ Духомъ. Владыко Боже! Не помяни моей злобы: не позналъ есмь Тебе въ поганьствѣ, нынѣ же Тя знаю и видѣ 2). Господи Боже мой! ІІомилуй мя 3): аще мя хощеши казнити и мучити за грѣхы моя, казни Самъ мя, Господи, бѣсомъ не предай же мене“. И сице глаголя и моляся Богу, преда душу свою с миромъ Ангеломъ Господнимъ, и успѣ. ІІраведныхъ бо душа в руцѣ Божіи суть, и мъзда имъ отъ Бога, и строеніе имъ отъ Вышняго; того ради пріимуть вѣнець красоты отъ рукы Господня. ІІо святомъ же крещеньи поживе блаженый князь Володимеръ 28 лѣтъ. На другое лѣто по крещеніи къ порогомъ ходи, на трстье лѣто Корсунь городъ взя, на четвертое лѣто церковь камену святыя Богородица заложи, а на пятое лѣто Переяславль заложи, в девятое лѣто десятину блаженый и христолюбивый князь Володимеръ вда церкви святѣй Богородици и отъ имѣнія своего. О томъ бо и самъ Господь рече: идѣже естъ ськровище ваше, ту и сердце ваше будеть4). Блаженый князь Володимеръ имяше съкровище свое на небесѣхъ, съкрывъ милостынею и добрыми своими дѣлы: тамо и сердце его бѣ, въ царствіи небеснѣмъ. И Богъ поможе ему, и сѣде въ Кіевѣ на мѣстѣ отда своего Святослава и дѣда своего Игоря. А Святослава князя Печенѣзѣ убиша; а Ярополъкъ сѣдяше въ Кыевѣ на мѣстѣ отца своего Святослава, и Олег идый съ вои у Вручя града мостъ ся обломи съ вои и удавиша Олга въ гребли, и Ярополка убиша въ Кыевѣ мужи Володимеровѣ. И сѣде въ Кыевѣ князь Володимеръ в осмое лѣто по смерти отда своего Святослава, мѣсяца Июня въ 11-й день, въ лѣто 6486. Крестижеся князь Володимеръ въ десятое лѣто по убіеніи брата своего Ярополка. Каяшеся и плакашеся 5) блаженый князь Володимеръ всего того, елико сътвори въ поганьствѣ, не зная Бога. ІІознавъ же Бога истиннаго, Творца небеси и земли, покаявся всего и отвержеся дьявола и бѣсовъ и всея службы его и послужи Богу добрыми дѣлы своими и милостынею. Успе съ миромъ мѣсяца Июля въ 15 донь, въ лѣто 6523 о Христѣ Іисусѣ Господѣ нашемъ, Ему же слава и держава со Отцемъ“ 6).

1) Поправляем по Акад. сп.

2) Так. и в Акад., в Болот.: вѣдѣ.

3) Акад.: Помилуй мя Боже.

4) Матф. 6. 21.

5) Исправляем по Акад. сп.

6) С емуже“ из Акад. сп.

245

 

 


Страница сгенерирована за 0.18 секунд !
Map Яндекс цитирования Яндекс.Метрика

Правообладателям
Контактный e-mail: odinblag@gmail.com

© Гребневский храм Одинцовского благочиния Московской епархии Русской Православной Церкви. Копирование материалов сайта возможно только с нашего разрешения.