Исаия Болобан, архим. Послание к Львовской пастве от 3 февраля 1607 г.

4.—В послании архимандрита Уневского Исаии Болобана, имевшего быть постановленным в епископы Львовские на место дяди его Гедеона Болобана, адресованном к будущей пастве от 3 Февраля 1607-го г., читаем (Акты, относящиеся к истории Южно-Западной Руси, издал А. С. Петрушевич, Львов, 1868 г., стр. 8—15, № 3): «Абие пришед во Лвов усердно во любве Христове, собрах священное братство презвитерей и каноник, сиречь правилных священник, иже во священнем церкви судилищи со епископом председят, показующи им сия. С ними же и прочиим церковным клириком и людемь, да не утаено сие пред ними будет воля отшедтого епископа, и сопутверждение на се царское прежде отступления, иже зде архиерейский и синкгелная патриаршеская писания, имже всем купно соседшим священному причту и прочиим людем, и благоговейному презвитерству Львовскому исповедшим, яко древняя писаниа содержат от древних князей и царей и архиерей на всяко благочиние между ними ко преспеянию на лучшее церквей преданная им. Не токмо же но и прочий от исполнениа церковного, имут расписание братства от святейшего патриархи вселеньского, дабы сим непорушном быти и не поврежаемом. Ко сим же и ставропигиам на неких местех, чести ради великие церкве, противу имже не токмо яко расточитель Христовех агнец. Всяк бо иже не собирает, рече, растачает; иже несть со мною, на мя есть. Да бых противен был, и ни вочтоже воменял волю Христову, многым быти спасающимся о нем, или обидети их, или умаляти церковь его, и сопрятати число от них повреждением законных вещей, да не будет. Но и умножити и возрастите хотя, согревая и милуя тщанием любве, якоже птица под скрыдлами своими, якоже вещей на лучшая преспевати, во славу пречестного, и великолепого имени Господа нашего Иисуса Христа, мира виновника, во пречистые нядра невесты своея церкве, искръня матере нашея чада своя собирающего. Тем же от всея

72

душа и от всего сердца вся сия елика имут, любо от христолюбивых, и мринейших царей и князей, любо от святейших патриарх; изряднее же от вселеньского патриарха, его же и прономия1) здешняя, суть любо от архиепископа, или епископ православных, и прежде отступлениа бывших, яже ниже отнюдь во подзоре суть противящаяся евангелию Христову, или заповедем и священным каноном апостолским и соборным уставом и правилом вселеньском и поместне бывшим, и всякому богодухновенному писанию и учительству церковному; и всякому преданию и обычаю древних во церкви содержимому, и повелению великой церкви Константинопольской, ей же и подлежим ни в чесом же противна, или несогласующася аще суть, обещеваюся, и засведительствую пред Господем моим Иисус Христом, вся цела содержати и хранити от всякого навета под тяжестю церковною, и конечным извержением моим потом. Тако честному презвитерству, братствам сописующимся верным во исполнение заповедей Христовых паче в союз Христом преданные любве. Ничтоже бо тако верных творит, яко еже едино быти. О сем бо и моляшеся отцу своему не разторгненом быти о имени его союзом мира Христова сотязуемым верным, да не духа расторгнем единость. Сие бо есть жребий, сие нам оставил наследие, еже мировати со друг другом о других. Приводим и о миру ко себе растоящихся пребывающим бо нам во любви, Иисус Христос во нас пребудет, мир свой даруя нам. Такожде и ставропегиам неподвижном быти по прономиям патрияршим, изначала бывшим. Не только сия крепко содержати яко епископу и блюстителю и попечителю хотящим спастися, но и ко сим елика ко созиданию церкви, и на пользу всему исполнению церковному имети восхощут. Вся со готоваго усердия сотворю протдву прошению их. А яже здешним обещеваю во Львове, сия подообразне в Галичу и в Каменци. Совязуеми яко уди Христовы во едино тело Церкве изволяя и сему быти даже до сонмища презвитерства во своей главизне будет от них же купно председящу ми со ними когда любо восхощут пред поставляньем мене, или по поставлении, да изберут пятерицу на оффекия2) церкве: великого иконома, великого скѵофилака, великого хартофелака, протекдика, протонотария. Иже ов убо, по канону четвертого собора, пещися о стяжаниих церковных власть имея. И вся приходы содержати от них, и строити ними по повелению архиерейскому. Архиерею и церковь в потребу, истязуемы от них архиереом бывает: даже верный строитель будет яко Богу назираюицу. Овже держа сосуды церковные. Хартофилакс же держа церковны хартинная оправдания. Судия всех вин церковных имеяй и врачевных вин рассуждениа. Ко сему же и во прочиих клирицких винах есть екдик3), сиречь, отмститель, яко десная архиерейская рука. Протекдик, сиречь, отместитель старейший, во еже заступати пленных и обидимых, и судия есть порицательных вин. Протонотарий же вся детелная на судищих. По сих же, и ко сим меншую пятерицу прочиих клирик от мирских, аще избирати хотят во пособие им изрядных на се разум имущих божественных пи-

1) Προνόμια, преимущество.

2)Οφφίκια, уряды, officia.

3) Ἔκδικος.

73

саний. Еще же по божественных апостол заповедех, и сие со всяцем известием, ни от единогоже епископа, или архиепископа неподвижно, и не отнюд пререкуемо дяет, яко суд предвечным судеею со мною имети будут, смеющей развратили о сем заповедь апостолскую. Како подобает обще избирали епископа, содержащи да имут по узаконению святых апостол, ихже заповеден. Аз всею душею прилеплялся, якоже они соборнем учительстве во осмой книзе вещают: Купно рече нам сущим дванадесятим Господним апостолом, сущу со нами и избранному сосуду Павлу, и Яков епископ, и прочиим презвитером, и седми дияконом. Первый убо аз реку Петр, епископу херотонисану1) быти, якоже во предварших книгах завещахом каковому, избираем же от всех людей во купе со презвитерством, и от них наки купно сведетельствуем, яко достоин есть архиерейства, и прочая. Темже по сей священней заповеди хощу да друг по друзе восходящого на престол сей без препинания коего, от коего либо буди лица, сицевому избиранию бывати. Но и канон святых апостол и Антиохийского синоду по другой части о сем цело да сохраняем, есть разногласие утоляющу и злобу пристрастия восхлащающу, да егда епископ избран быв, и не прият будет от людей, что подобает ему сотворити, и что причту церковному за се, не увещавшем любопрящаяся люди. Еще же и сия каноны яко нужна церкви о епископе изъясняем, яко да твердо во своей им крепости пребыти, да явлена, рече, будут имениа епископская, и имениа церковная, да ему во своих власть имети завещати, и церкви неведением епископских вещей, пагубы во своих не подяти. И иже в Карфагене имениа, ихже прежде хиротониа не имев епископ, но потом стяжав, церкви примножена и освящена да будут. Аще же инако будет яко разграбитель был бы епископ, и чести лишен. И иже во Трулле: о целости церковных вещей. Яко скончавшуся епископу, имениа его, да никтоже себе присвояет, но клирос сия да сохранит, хотящему быти епископом и даже сия искушена будут, и во известии неразрушена (пре)будут. То аз обещаваюся к святейшому патриарсе вселенскому без коснениа послати, моляся всяцем образом, купно с вами честным презвитерством превеличеству его синкгелным своим писанием, прежде убо избирание епископа яко... речеся во известии по заповедех апостолских, и каноны утвердити, и чин нам клириков расписали опаства деля суд(ов) на них же оффекиях духовным мужем лепо быти. А на их же мирским на украшениа благочиниа церковного, и укреплениа судов: даже удобрение будет велицей церкви оффекиами сими во граде во епископстве сем, ему же и ексаршеством почтену бывшу во славу имени великого престола нового Рима. Протопопу же аще избиратити хотят презвитерство, коегожде лета искуснейшего от других, да избирают соборне между собою, не противу пристрастью коему, но по воли Божей, и аз и благословлю, ничтоже противляюся, егда вся благочинне бывают. И аще же обличен буду несогласуя делы о яже где от мене написанными или во вере поколеблен, еже да не будет. Се Христе Владыко, юже ныне твердо и известно исповедую пред всем собранием церковным, ихже вас ту собра Дух святый; яко верую во единого Бога Отца, и

1) Рукополагаему.

74    

единородного Сына его Иисуса Христа, иже прежде всех век. И в Духа святого от Отца токмо исходящего, Сыном же даемого, якоже из начала православне исповедует едина святая кафолическая и апостольская восточная церковь, в ней же родихся, и воспитан быв, да дасть ми во Тройцы покланяемый Бог, до конца соблюсти и. Со нею и седм вселеньския соборы приимую, яже на сохранение честных догмат собрашася, исповедую и яже на них уставленные храните каноны и заповеди, елика по различных временах и летех святыми нашими отцы узаконишася, и яже они прияша, любезно с ними приймую, а от них же они отвращаются и аз. Еще же и церковный мир исповедую соблюсти и ни единем же образом противная ему мыслите. По всему согласуюся всем прежде мене православным епископом и по всему повинуюся великому патриарсе, и велицей церкви и вся цела соблюдая прономия его. Но да во известии вам вся сия будут: нужда неотложне священному и великому собору великие церкви нового Рима, яже о сих, и ихже вы еще ко сим на ползу церкви, требуете возвещеном быти, яко да оно опаснее усмотрите яже на ползу соборне усмотряемая и рассуждаемая. Паче же на особ разуметельных лучша суть и содержателнейша. Над сими же печать свою прилагаю во сохранение всех и исполнение, иже закон повелевает и рукою моею подлосуюся тако, а не инако сим быти, ни во едином же, и от иже по мне хотящих быта диадохов1), все цело содержим, яко священное сокровище, и яже от святейшего патриарха, вами хотящая взыскатися, якоже рех на ползу церкви, егда принесена будут, ничтоже сопротивлялся, или пререкую, в непорушно содержание сих готове подписатяся имам купно, собравшимся вам и со ими же восхощете. Аще же инако исповеданию сему и подписанию моему сотворите хотя явлюся, да подлежу канону Карфагеньскому, яко чести епископские, да лишен буду. Писан во Лвове при церкви столечной, святого великомученику Христова Георгия месяца февраля г҃ (3) ҂ах҃з (1607).

Власною рукою (М. П).