Макарий II Москвитянин, митр. Грамота от 10 января 1549 г.

3.—Митрополит Киевский Макарий в грамоте своей от 10 января 1549 г. (ibid.№ 118, стрр. 125—126) пишет:

«Чиним знакомо сим нашим листом, кому будет потреба того ведати, албо чтучи его слышати, нынешним и напотом будучым. Штож которая епископия митрополии Галицкой от колка сот лета згибла была а заронена была, не маючи пастира своего епископа в тых словутных местах, в Галичы, в Львове, в Каменцы Подолском, то так господар наш святоя и славной памяти, его милость, король Жикгимонт и великий князь Литовский, видячи то, иж в тых столечных местах хвала Божья непомалу оскудела, а злаща люде стадо Христово без пастира своего были, рачил его королевская милость, за зданьем некоторых панов рад тамошных, епископа встановити, и тую епископию дати славетному Макару Тучапскому; где ж мы, ведле воли и росказания господарского, того Макария на епископию митрополий Галицкой освятили и благословили, и от себе наместником вместо епископа своего дворного поставили, даючи ему моц от себе в справах духовных, як ее мает в парафеи своей по благословению нашему справовати. То пак оний Макарий, будучи вже епископом, и видечи великое знищение в церкви столечной во Лвове пред муры святого великомученика Христова Георгия, и поповское убожество, за чим хвала Божия не може справована, быти в той соборной церкви, вчинивши обмову со священным и боголюбивым епископом Богом спасаемых градов Перемишля и Самбора, отцем Арсением, и з иншими некоторыми особами духовными и светскими, за писанием и вспоминанием нашим пастира их старшого, вчинили собор в церкви святого великомученика Христова Георгия, для установления хвалы Божия, и записал священником листом своим тот епископ Макарий и з отцем владикою Перемыским на вечные часи, иж мает он сам священником соборным и по нем будучии владыки Лвовскии то полнити и выдавати вечними часы, то есть: коли церковь святити в повете Лвовском, владыци половина а на клирос священником половина, а иж мает один крилошанин при владицеехати на тое посвящение; а коли церковь старую посвятити, то все крилошаном, а владице от того ничого; а если ставленник пригодися на чий недели, тот священник мает ему духовным быти, а от того мает от него шесть грошей взяти; который попы того дня при владыце служити будут, тим ставленик мает по грошу дати, а если кто даст на десять сорокоустов, владице половина а крилошаном половина; а коли на два албо на три сорокоусти или на пять дадут, от того владице ничого, все крилошаном; а священника без попов своих або наместника своего не маета никому ку отказу ставити, а чый повод права будет, мает тому отложити шесть грошей, тож ему оказовати повинен; а коли которому крилошану церковь свою посвятити, от того владыка не имять ничого в него брати, однож повинен будет про него обед справити. А который крилошанин сына своего в попы восхощета поставити, владыка мает

71

его дармо совершите, ничего от него не беручи. Когда владыка бы умер, крилошаны мают держати епископию в моцы своей з паны земляни и з паны мещаны, а скарбы владычнии и церковныи в целости до воли господарской. А который крилошанин виступ вчинит против владице, мает его скарати ведле правил святых отец, духовным правом. А наместника не мает владыка выбирати, одни крилошане з благословением его. Который запись его перед нами вказовали и так ся в собе мает; и били нам чолом все крилошане соборной церкви святого великомученика Христова Георгия зе Лвова, абыхмо им, ведле запису и листа владик их милостей, листом нашим потвердили на век вечные часы, и аби тое записание от инших епископов тамошных не порушено было. Мы, видячи реч слушную, а звлаща церкве Божеей и служителем церковным, вечисте потверждаем оный запись владычен крилошаном святого Юрья сим нашим листом на веянии часы; мают то вси владыки будущий Лвовскии крилошаном, ничого от того запису владичного не отступуючи, полнити на веянии часы; а еслибы который владыка хотел сей запись порушити и того крилошаном не полнити, покладаем на него клятву святых отец седми соборов и от нас пастира своего да будет проклят в сей век и будущий. На што ж есьмо к сему листу нашему и печать нашу маистатную привесили».